अमेरिकेत डेल्टा एअर लाइन्सची दोन विमाने एकमेकांवर आदळली; मोठी दुर्घटना टळली

बुधवारी रात्री न्यूयॉर्कच्या लागार्डिया विमानतळावर टॅक्सीवेवर डेल्टा एअरलाइन्सची दोन विमाने एकमेकांवर आदळली. ही टक्कर कमी वेगाने झाल्याचे एअरलाइन्सने म्हटले आहे.

अमेरिकेतील न्यूयॉर्कच्या लागार्डिया विमानतळावर टॅक्सीवेवर डेल्टा एअरलाइन्सचे दोन विमान एकमेकांवर आदळले, यामध्ये किमान एक जण जखमी झाला. एअरलाइन्सने ही कमी वेगाने झालेली टक्कर असल्याचे म्हटले आहे. डेल्टाच्या निवेदनानुसार, व्हर्जिनियातील रोआनोकेसाठी उड्डाण घेण्याच्या तयारीत असलेल्या विमानाचा पंख उत्तर कॅरोलिनाच्या शार्लोटहून येणाऱ्या विमानाच्या समोरील बाजूवर आदळला. न्यूयॉर्क आणि न्यू जर्सीच्या बंदर प्राधिकरणाच्या निवेदनानुसार, एक विमान परिचारिका जखमी झाली आणि तिला रुग्णालयात नेण्यात आले.

"हिंदू समाज संघटित आणि बलशाली होणे, या देशाच्या सुरक्षिततेची अन् विकासाची गॅरंटी; कारण...!" - मोहन भागवत स्पष्टच बोलले

कोणत्याही प्रवाशांना दुखापत झाली नाही. विमानतळाच्या उर्वरित कामकाजावर कोणताही परिणाम अपेक्षित नाही. "आमच्या ग्राहकांची आणि जनतेची सुरक्षितता आधी असल्याने डेल्टा सर्व संबंधित अधिकाऱ्यांच्या सहकार्याने या घटनेचा आढावा घेईल.

या अनुभवाबद्दल आम्ही आमच्या ग्राहकांची माफी मागतो." टक्कर झालेल्या डेल्टा कनेक्शन विमानाचे व्यवस्थापन एंडेव्हर एअरने केले आहे,असे डेल्टाच्या निवेदनात म्हटले आहे .