जगाची धडधड वाढली! ६० मिनिटांचा 'वॉर प्लान', पुतिन आणि ट्रम्प यांच्यात फोनवर चर्चा, चर्चेत नेमकं काय शिजलं?

अमेरिकेचे राष्ट्राध्यक्ष डोनाल्ड ट्रम्प आणि रशियाचे राष्ट्राध्यक्ष व्लादिमीर पुतिन यांनी तासभर फोनवरून चर्चा केली, यामध्ये इराण युद्ध, युक्रेन संकट आणि जागतिक तेल बाजार यासारख्या महत्त्वाच्या मुद्द्यांवर चर्चा झाली. दोन्ही नेत्यांनी युक्रेनमध्ये युद्धबंदी आणि इराण संघर्षावर तोडगा काढण्यावर भर दिला.

मागील काही दिवसांपासून इराण -अमेरिकेमध्ये युद्ध सुरू आहे. या युद्धात इराणचे मोठे नुकसान झाले आहे. युद्धाचा परिणाम आता जगावर सुरू  दिसत आहे.  दरम्यान, सोमवारी (९ मार्च) रोजी अमेरिकेचे राष्ट्राध्यक्ष डोनाल्ड ट्रम्प यांनी रशियाचे राष्ट्राध्यक्ष व्लादिमीर पुतिन यांच्यात फोनवरून चर्चा झाल्याचे समोर आले आहे.  ही चर्चा जवळजवळ एक तास झाली.  या चर्चेत इराण युद्ध, युक्रेन संकट आणि जागतिक तेल बाजारपेठेसह विविध गंभीर मुद्द्यांवर चर्चा झाली.

"इराणवर मृत्यू आणि आग बरसणार, असा हल्ला करू की...", डोनाल्ड ट्रम्प यांची धमकी, तेल संकट गडद होताच अमेरिका भडकली 

ट्रम्प यांनी पुतिन यांच्याशी चांगली चर्चा झाल्याचा दावा केला. राष्ट्राध्यक्ष पुतिन आणि युक्रेनचे राष्ट्राध्यक्ष झेलेन्स्की यांच्यात वाद आहे आणि ते समेट करण्यास असमर्थ असल्याचे दिसून येते. त्यांनी आणि पुतिन यांनी या मुद्द्यावर सकारात्मक चर्चा केल्याचा दावा ट्रम्प यांनी केला.

क्रेमलिनचे परराष्ट्र धोरण सहाय्यक युरी उशाकोव्ह यांनी पुतिन आणि ट्रम्प यांच्यातील एक तासाच्या संभाषणाचा संपूर्ण तपशील दिला. त्यांनी सांगितले की, पुतिन यांनी इराण युद्ध संपवण्यासाठी ट्रम्प यांना त्यांचे विचार सादर केले. पुतिन यांनी आखाती नेत्यांशी आणि इराणचे अध्यक्ष मसूद पेझेश्कियान यांच्याशी झालेल्या अलिकडच्या चर्चेच्या आधारे हे प्रस्ताव तयार केले.

इराण संघर्ष आणि युक्रेन वादावर चर्चा

उशाकोव्ह यांनी ट्रम्प आणि पुतिन यांच्यातील चर्चा फलदायी असल्याचे वर्णन करताना म्हटले आहे की, "पुतिन यांनी सध्याच्या आंतरराष्ट्रीय परिस्थितीशी संबंधित अनेक महत्त्वाच्या मुद्द्यांवर चर्चा केली. इराण संघर्ष आणि युक्रेन वाद सोडवण्यासाठी अमेरिकेला सहभागी करून त्रिपक्षीय चर्चेची गरज त्यांनी अधोरेखित केली.

इराण व्यतिरिक्त, दोन्ही नेत्यांनी युक्रेनच्या मुद्द्यावरही चर्चा केली. राष्ट्राध्यक्ष ट्रम्प यांनी पुन्हा एकदा युक्रेनमध्ये लवकर युद्धबंदीचे आवाहन केले. क्रेमलिनने ट्रम्प आणि त्यांच्या टीमच्या मध्यस्थी प्रयत्नांचे कौतुक केले.

राष्ट्राध्यक्ष ट्रम्प यांनी पुन्हा एकदा युक्रेनमधील संघर्षावर लवकर युद्धबंदी आणि दीर्घकालीन तोडगा काढण्यात रस दर्शविला. आमच्याकडून, ट्रम्प आणि त्यांच्या टीमने केलेल्या मध्यस्थीच्या प्रयत्नांचे सकारात्मक मूल्यांकन करण्यात आले," असेही उशाकोव्ह म्हणाले.