मेड इन चायनाचा 'या' देशाला बसला मोठा फटका; 3700 निरोगी लोकांना दाखवलं 'कोरोना पॉझिटिव्ह'
By ऑनलाइन लोकमत | Published: August 26, 2020 10:51 AM2020-08-26T10:51:21+5:302020-08-26T10:51:38+5:30
CoronaVirus Marathi News and Live Updates: मेड इन चायनाचा एका देशाला मोठा फटका बसला आहे. तब्बल 3700 निरोगी लोकांना 'कोरोना पॉझिटिव्ह' दाखवण्यात आलं आहे.
मेड इन चायनाचा 'या' देशाला बसला मोठा फटका; 3700 निरोगी लोकांना दाखवलं 'कोरोना पॉझिटिव्ह'
बीजिंग/ स्टॉकहोम - जगभरात कोरोना व्हायरसचा कहर पाहायला मिळत आहे. जगभरातील कोरोनाग्रस्तांची संख्या ही तब्बल दोन कोटींच्या वर गेली असून रुग्णांची एकूण संख्या 24,058,354 आहे. कोरोनामुळे आतापर्यंत आठ लाखांहून अधिक लोकांना आपला जीव गमवावा लागला आहे. याच दरम्यान एक धक्कादायक घटना समोर आली आहे. मेड इन चायनाचा एका देशाला मोठा फटका बसला आहे. तब्बल 3700 निरोगी लोकांना 'कोरोना पॉझिटिव्ह' दाखवण्यात आलं आहे. स्वीडनमध्ये हा प्रकार घडला असून लोकांना मनस्ताप सहन करावा लागला आहे.
स्वीडनच्या सार्वजनिक आरोग्य यंत्रणेने चीनमधून आयात करण्यात आलेले कोरोना टेस्ट किट सदोष असल्याचं म्हटलं आहे. या किटच्या मदतीने चाचण्या करण्यात आलेले 3700 जण सुरुवातीला कोरोना पॉझिटिव्ह दाखवण्यात आले. त्यामुळे त्यांच्यावर उपचार सुरू करण्यात आले. मात्र हे लोक निरोगी असल्याची माहिती आता समोर आली आहे. कोरोनाच्या चाचणी किटमध्ये असलेल्या दोषांमुळे असा चुकीचा रिपोर्ट मिळाल्याचं म्हटलं जात आहे.
CoronaVirus News : कोरोनाचा प्रसार होण्यामागे 'हे' लोक आहेत जबाबदार, वेळीच व्हा सावधhttps://t.co/3qs7HHgCvc#coronavirus#CoronavirusIndia#CoronaUpdatesInIndia#COVID19India#coronainindia
— Lokmat (@MiLOKMAT) August 26, 2020
डेली मेलने दिलेल्या वृत्तानुसार चीनमधून आयात करण्यात आलेले पीसीआर (PCR) कोरोना चाचणी किट सदोष असल्याने या किटच्या मदतीने करण्यात आलेल्या सर्व चाचण्यांचे निकाल पॉझिटिव्ह दाखवण्यात आले. चीनमधील BGI Genomics कंपनीच्या या टेस्ट किटमुळे हा गोंधळ निर्माण झाला आहे. याच कंपनीचे किट जगभरातील वेगवेगळ्या देशांमध्ये पाठवले जात आहेत. या किटच्या मदतीने चाचणी करण्यात आलेल्या लोकांमध्ये कोरोनाची कोणतीच लक्षण दिसून येत नव्हती. मात्र चाचणीचे निकाल पॉझिटिव्ह आल्याने हे ए-सिम्पटोमॅटिक रुग्ण असल्याचे गृहित धरुन त्यांच्यावर उपचार सुरू करण्यात आले.
CoronaVirus News : वेगाने पसरणाऱ्या कोरोनामुळे लोकांच्या मनात भीतीचे वातावरण, जाणून घ्या नेमकं काय आहे 'हे' प्रकरण?https://t.co/o5Zf21zCkW#coronavirus#CoronavirusIndia#CoronaUpdatesInIndia#COVID19India#coronainindia
— Lokmat (@MiLOKMAT) August 25, 2020
स्वीडनमध्ये मार्च महिन्यापासून किटच्या आधारे कोरोना चाचण्या घेण्यात येत आहेत आणि याच चाचण्यांच्या आधारावर देशातील कोरोनाग्रस्तांचा आकडा ठरवला जात आहे. त्यामुळेच आता स्वीडनमधील आरोग्य खातं सर्वच प्रकरणांची चौकशी करण्याचा विचार करत असल्याचं म्हटलं जात आहे. स्वीडनने दिलेल्या माहितीनुसार, या कोरोना चाचणी किटच्या वापरामुळे करोनासारखी लक्षण असणाऱ्या प्रत्येक व्यक्तीला कोरोना पॉझिटिव्ह दाखवण्यात आलं. ज्या ज्या लोकांना सर्दी किंवा ताप आहे ते सर्व कोरोना पॉझिटिव्ह असल्याचे दाखवण्यात आलं होतं. त्यामुळे आता आरोग्य विभागाने या लोकांची माहिती गोळा करण्यास सुरुवात केली आहे. एका हिंदी वेबसाईटने याबाबतचे वृत्त दिले आहे.
CoronaVirus News : कोरोनाचा संसर्ग रोखण्यासाठी जगभरात युद्धपातळीवर प्रयत्न सुरूhttps://t.co/9TWMl36Z0F#coronavirus#CoronaUpdates#CoronaVaccine
— Lokmat (@MiLOKMAT) August 24, 2020
महत्त्वाच्या बातम्या
CoronaVirus News : देशात कोरोनाचा वेगाने प्रसार होण्यामागे 'हे' आहे कारण, ICMR ने दिला गंभीर इशारा
Mahad Building Collapse: 'इमारत असो वा समाज, पाया हा मजबूतच हवाच'; सुबोध भावेचं सूचक ट्विट
"गद्दार भाजपाच्या चीन प्रेमाचा धिक्कार, बंदी घातलेल्या चीनी अ‍ॅपचा करताहेत वापर"
CoronaVirus News : काँग्रेसच्या संकटमोचकावरच कोरोनाचे संकट; डी. के. शिवकुमार पॉझिटिव्ह
सायकल घेणं शक्य नव्हतं म्हणून बाप-लेकानं केला भन्नाट 'जुगाड'; Video तुफान व्हायरल
