तेवीस जणांना समन्स

थायलंडचे लष्करप्रमुख जनरल प्रयुथ चान ओचा यांनी गुरुवारी रक्तहीन क्रांतीत देशाची सूत्रे हाती घेतल्यानंतर शुक्रवारी स्वत: देशाचे प्रभारी पंतप्रधान असल्याची घोषणा केली आहे

बँकॉक : थायलंडचे लष्करप्रमुख जनरल प्रयुथ चान ओचा यांनी गुरुवारी रक्तहीन क्रांतीत देशाची सूत्रे हाती घेतल्यानंतर शुक्रवारी स्वत: देशाचे प्रभारी पंतप्रधान असल्याची घोषणा केली आहे.तसेच माजी पंतप्रधान यिंगलुक शिनवात्रा यांच्यासह २३ जणांना चौकशीसाठी बोलावले आहे. नव्या सरकारमध्ये लष्कर व पोलिस अधिकार्‍यात सत्तेचे वाटप करण्यात आले आहे. गुरुवारी मध्यरात्री राष्टÑीय शांतता समितीने (पीओएमसी) ही घोषणा केली . यिंगलुक व त्यांचे सहकारी दुपारी चौकशीसाठी उपस्थित झाले. गुरुवारी लष्कराने देशाची घटना रद्द केली असून रात्रीची संचारबंदी लागू केली आहे. लष्कराने सर्व टीव्ही वाहिन्या ताब्यात घेतल्या असून, या वाहिन्यांवर आता फक्त राष्टÑभक्तीपर गीते व लष्कराच्या घोषणा प्रसारित केल्या जात आहेत. निवडणूक जाहीर करण्यापूर्वी देशात मोठ्या प्रमाणावर आर्थिक, सामाजिक व राजकीय सुधारणा कराव्या लागतील असे जनरल प्रयुथ चान ओ चा (६०) यांनी म्हटले आहे. जर परिस्थिती शांततापूर्ण असेल तर आम्ही सत्ता लोकांच्या हाती देऊ असे त्यानी सांगितले. तांदूळ उत्पादक शेतकर्‍यांसाठी पहिली योजना जाहीर केली जाईल असे त्यानी सांगितले. थायलंडमधील वृत्तपत्रांवर अद्याप निर्बंध नाहीत. बहुतांश वृत्तपत्रांनी लष्कराच्या बंडावर टीका केली आहे. बंडामुळे प्रश्न सुटणार नाही, असा मथळा बँकॉक पोस्ट या वृत्तपत्राने दिला आहे. या क्रांतीमुळे परिस्थिती आणखी बिघडेल, असे या वृत्तपत्राने म्हटले आहे. गुरुवारी बंडाची घोषणा झाली तेव्हा लष्कराच्या कार्यालयात बैठकीसाठी आलेले सरकारी व सरकारविरोधी नेते अद्याप बंद आहेत. (वृत्तसंस्था) असे एका विरोधी नेत्याने नाव जाहीर न करण्याच्या अटीवर सांगितले. बँकॉक शहर शुक्रवारी शांत आहे, सर्व शाळा व विद्यापीठे आज बंद आहेत.