विमानातून अचानक धूर... तुर्कीचे C-130 जॉर्जियात कोसळले; अंगावर काटा आणणारा VIDEO व्हायरल
By ऑनलाइन लोकमत | Updated: November 12, 2025 15:03 IST2025-11-12T15:02:58+5:302025-11-12T15:03:40+5:30
Turkish C-130 crashed video: हे विमान तुर्की-अझरबैजान सीमेजवळील जॉर्जियाच्या पूर्व काखेती प्रदेशात कोसळले.
विमानातून अचानक धूर... तुर्कीचे C-130 जॉर्जियात कोसळले; अंगावर काटा आणणारा VIDEO व्हायरल
Turkish C-130 crashed video: जॉर्जियामध्ये तुर्कीचे C-130 लष्करी मालवाहू विमान कोसळले. विमानाने अझरबैजानहून उड्डाण केले होते आणि त्यात २० जण होते. मृतांची किंवा जखमींची संख्या अद्याप समजलेली नाही. बचाव पथके तातडीने घटनास्थळी रवाना करण्यात आली. विमानातील सर्व २० जणांचा मृत्यू झाले असल्याची भीती व्यक्त करण्यात येत आहे. स्थानिक माध्यमांच्या वृत्तानुसार, विमानात तुर्की आणि अझरबैजान या दोन्ही देशांचे लोक असू शकतात, परंतु त्यांची संख्या अस्पष्ट आहे. हे विमान तुर्की-अझरबैजान सीमेजवळील जॉर्जियाच्या पूर्व काखेती प्रदेशात कोसळले.
तुर्की-अझरबैजानने तपास सुरू केला
तुर्कीचे अध्यक्ष तैय्यप एर्दोगान यांनी या घटनेबद्दल शोक व्यक्त केला. त्यांनी मृतांच्या आत्म्याला शांती मिळावी म्हणून प्रार्थना केली. अझरबैजानचे अध्यक्ष इल्हम अलीयेव यांनी एर्दोगान यांच्याशी चर्चा केली. तुर्की आणि जॉर्जियन दोन्ही सरकारांनी या घटनेची चौकशी सुरू केली आहे. सोशल मीडियावर व्हायरल झालेल्या अपघाताच्या व्हिडिओमध्ये विमान डोंगरावर आदळण्यापूर्वी पांढऱ्या धुराचे लोट सोडताना दिसत आहे. अपघातानंतर काळ्या धुराचे लोटही उठताना दिसत आहेत. पाहा व्हिडीओ-
🔴📹 Turkish Air Force C-130 type transport plane (tail registration: 68-01609) operating from Ganja, Azerbaijan, TUAF543, took off and soon
— Mete Sohtaoğlu (@metesohtaoglu) November 11, 2025
It crashed on the Georgia-Azerbaijan border.
Following the accident, search and rescue efforts were initiated with Azerbaijan and Georgia. pic.twitter.com/QGrkWsx7ty
C-130 लष्करी वाहतूक विमान
C-130 हरक्यूलिस विमान हे अमेरिकन कंपनी लॉकहीड मार्टिनने बनवले आहे. हे चार इंजिन असलेले टर्बोप्रॉप लष्करी वाहतूक विमान आहे, जे कुठल्याही धावपट्टीवरून उड्डाण आणि उतरण्यासाठी डिझाइन केलेले आहे. त्याचा प्राथमिक उद्देश मालवाहू, सैन्य आणि उपकरणे वाहतूक करणे आहे. C-130 चा वापर गनशिप, एअरबोर्न हल्ला आणि टोही मोहिमांसाठी देखील केला जातो. जगभरातील अनेक सैन्यांसाठी हे प्राथमिक सामरिक विमान मानले जाते. तुर्की सरकारने अद्याप अपघाताचे कारण किंवा त्यावरील लोकांच्या राष्ट्रीयत्वाबाबत कोणतीही माहिती जाहीर केलेली नाही.