नवी दिल्ली : वनप्लस या चीनच्या प्रिमिअम स्मार्टफोन कंपनीने यंदाचे फ्लॅगशिप हँडसेट OnePlus 8 आणि OnePlus 8 Pro लाँच केले आहेत. काही दिवसांपूर्वीच 25000 च्या आतील फोन बाजारात येणार असल्याचे संकेत दिलेले असताना आज पुन्हा काहीतरी नवीन येत असल्याची घोषणा करण्यात आली आहे.
कमी कालावधीतच चीनच्या OnePlus या प्रिमिअम स्मार्टफोन कंपनीने सॅमसंग, अॅपलला टक्कर दिली आहे. मात्र, या कंपनीचे फोन 35 ते 50 हजाराच्या रेंजमध्ये उपलब्ध असल्याने सामान्य ग्राहकांना परवडणारे नव्हते. यामुळे वनप्लसने कमी किंमतीचा फोन भारतीय बाजारासह जगभरात उतरविण्याचे ठरविले आहे. यानुसार OnePlus Z हा स्मार्टफोन लवकरच लाँच केला जाणार आहे.
कंपनीने या फोनची अधिकृत माहिती दिलेली नसली तरीही वनप्लसचे सह संस्थापक कार्ल पे यांनी ट्विटकरून या डिव्हाईसचे संकेत दिले होते. या ट्विटवरून नव्या OnePlus Z च्या किंमतीचा अंदाज येत आहे. ट्वीटनुसार 299 डॉलर (22,799 रुपये) या फोनची किंमत असणार आहे. हा फोन जुलैमध्ये लाँच केला जाऊ शकतो.
आज लाऊ यांनी वनप्लसच्या पारंपरिक पांढऱ्या लोगोऐवजी एक निळ्या रांगात वनप्लसचा लोगो वापरला आहे. कदाचित कमी किंमतीतला वनप्लस Z/OnePlus Nord स्मार्टफोन असू शकतो. किंवा कंपनी वनप्लस 8 सिरीज किंवा वनप्लस बुलेट वायरलेस झेड चे निळे व्हेरिअंट लाँच केले जाऊ शकते.
वनप्लसचे सहसंस्थापक कार्ल पेई हे देखील #NewBeginnings हॅशटॅगने सारखे ट्विट करत आहेत. तसेच 'rock the boat again' ही टॅगलाईनही वापरत आहेत. एवढा सारा प्रचार हा एखाद्या स्मार्टफोनसाठीच असून शकतो.
वनप्लस झेडमध्ये काय काय? वनप्लस झेडबाबत गेल्या काही काळापासून वातावरण तापलेले आहे. अनेक जण अनेक प्रकारच्या शक्यता व्यक्त करत आहेत. हा हँडसेट जुलैमध्ये लाँच केला जाण्याची शक्यता आहे. यामध्ये 90 HZ ची ओएलईडी स्क्रीन, स्नॅपड्रॅगन 765 चिपसेट, 30 वॉट चार्जिंग आणि क्वाड कॅमेरा सेटअप असण्याची शक्यता आहे. या वनप्लस झेडची किंमत 24000 पेक्षा कमी असण्याची शक्यता असून 6 जीबी रॅम आणि 128 जीबी इनबिल्ट स्टोरेज मिळण्याची शक्यता आहे. तसेच या फोनमध्ये 4300एमएएचची बॅटरी असणार आहे.
अन्य महत्वाच्या बातम्या...
Maruti Suzuki ची नवीन सीएनजी कार लाँच; जाणून घ्या किंमत अन् फिचर्स
India China FaceOff: भारतद्वेष्ट्या चिनी जनरलनेच दिला हल्ल्याचा आदेश; अमेरिकी गुप्तहेरांचा दावा
India China FaceOff: हाय रे दैवा! 'मेड इन चायना' बुलेटप्रूफ जॅकेट घालूनच चीनसोबत लढणार?
India China Face Off: चीनी सैनिकांची खैर नाही! भारताचे सर्वात खतरनाक पहाडी योद्धे तैनात
फुरफुरणाऱ्या नेपाळची पुरती जिरली; चीनने अख्खी गावेच घशात घातली
शक्तीहीन कोरोना! "वाघाचा जंगली मांजर बनला"; मोठ्या तज्ज्ञ डॉक्टरांचा दावा