फिलिपाईन्स भूकंपात 69 जणांचा मृत्यू, शेकडो जखमी; पाहा धक्कादायक व्हिडिओ...

फिलिपाईन्स प्रशांत महासागराच्या "रिंग ऑफ फायर" भागात असल्याने येथे सतत भूकंप, ज्वालामुखीचे उद्रेक आणि वादळांचा धोका कायम असतो.

Philippines Earthquake : फिलिपाईन्समध्ये मंगळवारी रात्री 10 वाजण्याच्या सुमारास 6.9 तीव्रतेचा भूकंप झाला. या शक्तिशाली धक्क्यांमुळे सेबूसह अनेक भागातील इमारती कोसळल्या, रस्त्यांवर भेगा पडल्या आणि वीजपुरवठाही खंडित झाला. या घटनेत आतापर्यंत 69 जणांचा मृत्यू झाल्याची प्राथमिक माहिती असून 150 हून अधिक जण जखमी झाले आहेत. मृतांचा आकडा आणखी वाढण्याची भीती व्यक्त केली जात आहे.

I can't imagine feeling this!

More CCTV from Cebu as the M6.9 earthquake hit 👀 pic.twitter.com/AvxL9le6nI

— Volcaholic 🌋 (@volcaholic1) September 30, 2025

भूकंप 10 किमी खोलीवर झाला असल्याचे भू-वैज्ञानिक संस्थांचे म्हणणे आहे. 6.9 इतका सर्वात मोठा धक्का नोंदवला गेला. सुरुवातीला सुनामीचा इशारा देण्यात आला होता; मात्र नंतर तो मागे घेण्यात आला. भूकंपामुळे अनेक पूल, रस्ते व इमारतींचे मोठे नुकसान झाले. बोगो व मेडेलिन परिसरात घरे कोसळून अनेकांचा मृत्यू झाला. 

Heart-wrenching footage from the Philippines A powerful 6.9 quake rocked Cebu damaging historic churches and forcing residents to flee homes amid booming noises and falling debris. At least 6 confirmed deaths so far.Let's amplify Filipino voices and donate to relief.#earthquakepic.twitter.com/gmxtaExikX

— Saniya Khan (@KhanSaniya07) September 30, 2025

सैन रेमिगियो येथेही भिंती कोसळून बास्केटबॉल खेळ पाहणाऱ्या पाच जणांचा मृत्यू झाला. बंटायन भागात शतकानुशतके जुन्या सेंट पीटर द एपोस्टल चर्चचे छप्पर व भिंती भूकंपात कोसळल्या. बचावपथकांना रस्ते मोकळे करण्यासाठी संघर्ष करावा लागत आहे. विजेचा आणि पाण्याचा पुरवठा खंडित झाल्याने नागरिकांचे हाल होत आहेत. 

📺😱 El temblor no perdona ni a las transmisiones en vivo…El #Sismo#Earthquake de magnitud 7.0 en #Cebu, #Philippines#Filipinas quedó capturado en plena transmisión de Sam Pepper (celebridad de internet) en #Kick.👉 Ocurrió este 30 de septiembre sacudió la zona de las Bisayas pic.twitter.com/qzxUzYvhxM

— La Cebadina Noticias (@LaCebadinaNoti) October 1, 2025

राष्ट्राध्यक्ष फर्डिनंड मार्कोस ज्युनियर यांनी तातडीने मदतकार्य सुरू करण्याचे आदेश दिले आहेत. सेबू प्रांताच्या राज्यपाल पामेला बारिकुआत्रो यांनी परिस्थिती आणखी भीषण असू शकते, असे सांगितले. सोशल मीडियावर व्हायरल झालेल्या व्हिडिओंमध्ये या भूकंपाची तीव्रता आणि भीषणता दिसून येते.

WATCH: The St. Peter and Paul Church in Bantayan Island, Cebu, one of the oldest churches in Visayas, collapsed due to the magnitude 6.7 earthquake that struck the province on Tuesday night, September 30. #LindolPH#EarthquakePH | 🎥: Martham Pacilan

READ MORE:… pic.twitter.com/5IazN1PCIT

— Inquirer (@inquirerdotnet) September 30, 2025

विशेष म्हणजे, फिलिपाईन्स हा जगातील सर्वाधिक आपत्ती-प्रवण देशांपैकी एक आहे. प्रशांत महासागराच्या "रिंग ऑफ फायर" भागात असल्याने येथे सतत भूकंप, ज्वालामुखीचे उद्रेक आणि वादळांचा धोका कायम असतो.