अजिंक्य असलेला पंजशीर (Panjshir) ताब्यात घेण्यासाठी तालिबानने (Taliban) दहशतवादी पाठविले आहेत. रशियाच्या सैन्याला, त्यानंतर तालिबानलाही ताब्यात न घेता आलेल्या अवघड आणि योद्ध्यांच्या पराक्रमाने भारलेला हा भाग तालिबानला नडला आहे. पंजशीरला ताब्यात घेण्यासाठी गेलेल्या 300 दहशतवाद्यांना अफगान योद्ध्यांनी (Panjshir Fighters) ठार केले आहे. या दाव्यानंतर तालिबानने असे घडलेच नसल्याचे म्हणत वृत्त फेटाळले. यामुळे अफगान योद्ध्यांनी तालिबानी दहशतवाद्यांची काय हालत केली, याचा व्हिडीओ व्हायरल केला आहे. (Northern alliance fighters attacked a convoy of taliban who were gathered in surrounding of panjshir valley CLEAN FOOTAGE)
Vida Samadzai: मिस अफगानी! बिकिनी घालून रँम्प वॉक, बिग बॉसमध्ये रोमान्स; देशात उडवलेली खळबळ
यामध्ये दूरवर तालिबानी दहशतवाद्यांचे वाहन थांबलेले दिसत आहे. त्यावर अहमद मसूद यांच्या योद्ध्यांनी कसा हल्ला केला आणि त्यांना हवेत उडविले हे दिसत आहे. संपूर्ण अफगाणिस्तान तालिबानच्या ताब्यात आलेले नाही. एक असा प्रांत आहे ज्यावर रशियान सैन्याला आणि तालिबानलाही तेव्हा विजय मिळविता आला नव्हता. तालिबान अफगानिस्तानात सत्ता स्थापन करण्याच्या तयारीत असताना एक प्रांत अद्याप त्यांच्या ताब्यात आलेला नाही. य़ा प्रांताचे नाव आहे पंजशीर.
तालिबान आणि अल कायदाने मिळून 9/11 च्या हल्ल्याच्या दोन दिवस आधीच अहमद मसूद यांचे वडील अहमद शाह मसूद (Ahmad Shah Massoud) यांची हत्या केली होती. अफगानिस्तानचे माजी राष्ट्राध्यक्ष हामिद करजई (Hamid Karzai) यांनी अहमद शाह मसूद यांना राष्ट्राचे नायक असा खिताब दिला होता. त्यांना पंजशीरचा वाघही म्हटले जात होते. मसूद आणि त्यांच्य़ा साथीदारांनीच मिळून तालिबान राज संपविण्यात मोठी भूमिका निभावली होती. अहमद शाह मसूद यांनी सोव्हिएत रशियाला देखील पंजशीरची एक इंचही जागा घेऊ दिली नव्हती. त्यानंतर आलेल्या तालिबानलाही हा प्रांत कब्ज्यात घेता आला नव्हता. त्यांचा मुलगा पंजशीरचा नेता अहमद मसूद (Ahmad Massoud) तालिबानला शरण जाण्यास नकार दिला आहे.
Afghanistan: हिम्मत लागते! अफगानिस्तान अजून पडलेले नाही; एक प्रांत अजूनही लढतोय
यामुळे तालिबानने तो प्रांत ताब्यात घेण्यासाठी दहशतवादी पाठविले आहेत. अहमद मसूद म्हणाले की, आम्ही युद्धाची तयारी केली आहे. मात्र यामधून तोडगा काढण्यासाठी तालिबानसोबत चर्चा झाली तर आम्ही चर्चेसाठीही तयार आहोत. आम्ही तालिबानला जाणीव करून देऊ इच्छा की, पुढे जाण्यासाठीचा एकमेव मार्ग हा चर्चा हा आहे. युद्ध सुरू व्हावे, अशी आमची इच्छा नाही. तालिबानला आव्हान देण्यासाठी अहमद मसूद यांनी आपले सैन्य उभे केले आहे. हे सैन्य अफगाण सैन्य, स्पेशल फोर्सेस आणि स्थानिक योध्यांची मिळून बनली आहे.