मध्य पूर्वेतील तणाव कमी करण्यासाठी आता पाकिस्तानने पडद्यामागून हालचाली सुरू केल्या आहेत. पाकिस्तानचे पंतप्रधान शहबाज शरीफ आणि लष्करप्रमुख जनरल असीम मुनीर हे इराण आणि अमेरिका यांच्यातील युद्ध थांबवण्यासाठी मध्यस्थी करण्यासाठी आसुसले असून तसे प्रयत्न करत आहेत. आर्थिक संकटात सापडलेला पाकिस्तान या निमित्ताने जागतिक स्तरावर आपले महत्त्व वाढवण्याचा प्रयत्न करत असल्याचे बोलले जात आहे.
पाकिस्तानची रणनीती आणि छुपा हेतू:१. द्विस्तरीय प्रयत्न: एकीकडे शहबाज शरीफ राजनैतिक पातळीवर मुस्लिम देशांशी संपर्क साधत आहेत, तर दुसरीकडे जनरल असीम मुनीर अमेरिकन लष्करी नेतृत्वाशी चर्चा करत आहेत.२. आर्थिक मदतीची अपेक्षा: जर पाकिस्तानने ही मध्यस्थी यशस्वी केली, तर अमेरिकेकडून त्यांना आर्थिक पॅकेज किंवा कर्जात सवलत मिळण्याची शक्यता आहे.३. सौदी अरबचा पाठिंबा: पाकिस्तान या प्रक्रियेत सौदी अरबलाही सोबत घेण्याचा प्रयत्न करत आहे, जेणेकरून इराणवर दबाव निर्माण करता येईल.
मध्यस्थीसमोर मोठी आव्हानेपाकिस्तान स्वतः आर्थिकदृष्ट्या कमकुवत असल्याने इराण किंवा अमेरिका त्यांचे कितपत ऐकतील, याबाबत तज्ज्ञांनी शंका उपस्थित केली आहे. तसेच, पाकिस्तानचे इराणशी असलेले संबंध अनेकदा चढ-उताराचे राहिले आहेत, विशेषतः सीमावादावरून झालेल्या अलीकडील हल्ल्यांनंतर इराण पाकिस्तानवर किती विश्वास ठेवेल, हा मोठा प्रश्न आहे.
इराण सावध...जागतिक तज्ञांनुसार अमेरिका इराणच्या रिफायनरी, कच्च्या तेलाच्या प्लांटसह अणूउर्जा प्रकल्पांवर हल्ले करण्यासाठी तयारी करत आहे. यासाठी इराणला यु्द्ध थांबविण्याच्या चर्चेत गुंतवून ठेवून अचानक हल्ला करण्याची देखील शक्यता आहे. इराण देखील सावध असून अमेरिकेच्या युद्धबंदीच्या प्रस्तावावर अंतर्गत चर्चा करण्यासाठी वेळ मागत आहे, असे वृत्त सीएननने दिले आहे. यानुसार इराण युद्ध थांबविण्याला अमेरिकेने मान्यता दिली आहे, तसा प्रस्तावही इराणला दिला आहे. यावर चर्चा करण्यासाठी अमेरिकेचे उपराष्ट्राध्यक्ष जेडी वेन्स हे पाकिस्तानचा किंवा इराणची राजधानी तेहरानचा दौरा करण्याची देखील शक्यता आहे.
Web Summary : Pakistan seeks to mediate between Iran and the US amid rising tensions, potentially leveraging this role for economic benefits and increased global standing. Challenges remain due to Pakistan's economic situation and strained relations with Iran. US VP may visit Tehran.
Web Summary : पाकिस्तान तनाव कम करने के लिए ईरान और अमेरिका के बीच मध्यस्थता करना चाहता है, संभवतः आर्थिक लाभ और वैश्विक स्थिति को मजबूत करने के लिए। पाकिस्तान की आर्थिक स्थिति और ईरान के साथ तनावपूर्ण संबंधों के कारण चुनौतियाँ बनी हुई हैं। अमेरिकी उपराष्ट्रपति तेहरान जा सकते हैं।