पाकिस्तानच्या लष्करप्रमुखांची मोठी गोची! सौदी अरेबियासाठी इराणशी लढणार? इकडे तालिबानकडून सुरू आहे हल्ला

अमेरिका-इस्रायल हल्ल्यांनंतर, इराणने या प्रदेशातील अमेरिकन तळांवर क्षेपणास्त्रे डागली, यामुळे मध्य पूर्वेत युद्धाचा धोका वाढला. सौदी-पाकिस्तान संरक्षण करारामुळे पाकिस्तानच्या संभाव्य भूमिकेबद्दल जागतिक चर्चा तीव्र झाली आहे.

अमेरिका-इस्रायलनेइराणवर केलेल्या हल्ल्यांनंतर आणि सर्वोच्च नेते खामेनेई यांच्या मृत्युनंतर, मध्य पूर्व एका मोठ्या युद्धाच्या उंबरठ्यावर आहे. इराणनेइस्रायल आणि सौदी अरेबियासह अनेक मध्यपूर्वेतील अमेरिकेच्या लष्करी तळांना लक्ष्य करून क्षेपणास्त्रे डागली आहेत. इराणने अमेरिकेचे तळ असलेल्या जवळजवळ प्रत्येक आखाती देशावर क्षेपणास्त्रे डागली आहेत.

पाकिस्तान सौदी अरेबियाच्या मदतीला येईल का याबद्दल चर्चा सुरू झाली आहे. असीम मुनीरचे सैन्य इराणवर हल्ला करेल का? गेल्या वर्षी पाकिस्तान आणि सौदी अरेबियामध्ये झालेल्या करारामुळे इराणी हल्ल्यांनंतर हा प्रश्न जागतिक स्तरावर उपस्थित केला जात आहे.

US-Israel Iran Strike LIVE: खामेनेईंच्या मृत्युचा बदला घ्या'; इराणमधील समर्थकांकडून मागणी

सौदी अरेबिया आणि पाकिस्तान यांच्यात कोणता करार झाला?

गेल्या वर्षी सप्टेंबरमध्ये सौदी अरेबिया आणि अण्वस्त्रधारी पाकिस्तानने सामरिक परस्पर संरक्षण करारावर स्वाक्षरी केली. कोणत्याही देशाचे नाव न घेता, करारात म्हटले होते की, "कोणत्याही देशाविरुद्धचा कोणताही हल्ला हा दोघांविरुद्धचा हल्ला मानला जाईल." नाटो-शैलीतील संरक्षण करार आणि "एकावर हल्ला = दोघांवर हल्ला" या वाक्यांशाला इस्लामाबादमध्ये एक मोठा राजनैतिक विजय म्हणून पाहिले गेले. 

पाकिस्तान आणि सौदी अरेबियामध्ये अनेक दशकांपासून अनौपचारिक संरक्षण संबंध आहेत, परंतु हा नवीन करार इस्लामिक देशांमधील सुरक्षा सहकार्याला औपचारिक करण्याच्या दिशेने एक मोठे पाऊल मानले जात होते. दरम्यान, आता पाकिस्तान सौदी अरेबियाला मदत करण्यासाठी पुढे येईल का? असा सवाल उपस्थित होत आहे.

दरम्यान, पाकिस्तान स्वतः शेजारील अफगाणिस्तानसोबत युद्धाच्या उंबरठ्यावर आहे. अलिकडेच, दोन्ही बाजूंनी एकमेकांवर अनेक हल्ले केले आहेत.

सौदी अरेबियाचे दोन प्रमुख शत्रू इराण आणि इस्रायल आहेत. सौदी अरेबिया आपल्या सुरक्षेसाठी अमेरिकेवर मोठ्या प्रमाणात अवलंबून आहे. ग्लोबल फायरपॉवर डेटाबेसनुसार, १४५ देशांपैकी सौदी अरेबिया २४ व्या क्रमांकावर आहे, तर त्याचा मित्र पाकिस्तान १२ व्या क्रमांकावर आहे. दरम्यान, अमेरिका, चीन आणि रशियानंतर भारत जगातील चौथ्या क्रमांकाची लष्करी शक्ती आहे.