'हुकूमशहा-पाकिस्तानचा खुनी..', अमेरिकेत गेलेल्या असीम मुनीरच्या विरोधात जोरदार घोषणाबाजी

Pahalgam Terror Attack: अमेरिकेत गेलेल्या लष्करप्रमुख असीम मुनीरची पाकिस्तानी नागरिकांनीच काढली इज्जत.

Pahalgam Terror Attack: पाकिस्तानी लष्करप्रमुख असीम मुनीर पाच दिवसांसाठी अमेरिकेच्या अधिकृत दौऱ्यावर आहे. अमेरिकेत पोहचताच मुनीरला प्रचंड विरोधाचा सामना करावा लागला. अमेरिकेत राहणाऱ्या पाकिस्तानी नागरिकांनी मुनीरला प्रचंड विरोध दर्शवला. यावेळी त्यांनी मुनीरसमोर 'पाकिस्तानी नागरिकांचा खुनी', 'लाज वाटू दे', 'हुकूमशहा', अशाप्रकारच्या घोषणा दिल्या. 

मिळालेल्या माहितीनुसार, रविवारी (१५ जून २०२५) पाच दिवसांच्या अधिकृत अमेरिका दौऱ्यावर पोहोचलेल्या असीम मुनीरसाठी अतिशय लाजिरवाणी परिस्थिती ओढवली. त्याच्याच देशातील लोकांनी रस्त्यावर उतरुन उघडपणे मुनीरचा विरोध केला आणि त्याला हुकूमशहा, भित्रा म्हटले. सोशल मीडिया प्लॅटफॉर्म X वर याचे अनेक व्हिडिओही व्हायरल होत आहेत. यामध्ये अमेरिकेत राहणारे पाकिस्तानी नागरिक असीम मुनीरच्या हॉटेलबाहेर घोषणाबाजी करताना दिसत आहेत. 

pic.twitter.com/poIqJuGdnv
Asim Munir has fallen into the hands of Pakistanis in America—exposed as the dictator, traitor, and butcher of his own people that he truly is!" From Pakistan #11YearsofInjustice Trump and Israel

— ⁱᴵⁿˢᵃᶠ فکر (@shaoooohoor) June 17, 2025

व्हिडिओमध्ये दिसते की, हॉटेलबाहेर एक कार थांबते अन् असीम मुनीर हॉटेलमधून बाहेर पडून कारमध्ये बसतो, तेव्हा त्याला पाहताच जमाव आरडाओरड सुरू करतो. यावेळी निदर्शकांनी हॉटेलमध्ये घुसण्याचा प्रयत्न केला, परंतु हॉटेल कर्मचाऱ्यांनी त्यांना रोखले.

'सद्दाम हुसेनसारखी अवस्था...', इस्रायलचा इराणचे प्रमुख अयातुल्ला अली खमेनी यांना थेट इशारा

सोशल मीडियावर व्हायरल होणाऱ्या व्हिडिओमध्ये जमाव 'असीम मुनीर तू कायर आहेस', 'तुला लाज वाटते का? खुनी', 'हुकूमशहा' आणि 'इस्लामाबादचा खून करणारा' असे म्हणताना दिसून येतात. आणखी एका व्हिडिओमध्ये मुनीरच्या हॉटेलजवळ इलेक्ट्रॉनिक होर्डिंग लावण्यात आल्याचे दिसून आले, ज्यावर मुनीरच्या विरोधात घोषणा लिहिलेल्या आहेत. त्यावर, 'असीम मुनीर खुनी' आणि 'जेव्हा बंदुका बोलतात, लोकशाही संपते', अशाप्रकारचा मजकुर लिहिलेला दिसतो.

WATCH: Failed Asim Munir gets humiliated by the Pakistani Diaspora during his trip to USA.

He was called 'Murderer of Pakistanis'. pic.twitter.com/NSRKywNuh3

— Sensei Kraken Zero (@YearOfTheKraken) June 17, 2025

पाकिस्तानी वृत्तपत्र द डॉनमधील वृत्तानुसार, असीम मुनीर अमेरिकेशी लष्करी आणि धोरणात्मक संबंध मजबूत करण्याच्या उद्देशाने गेला आहे. तर, व्हिडिओबद्दल दावा करण्यात आला की, असीम मुनीरच्या विरोधात घोषणा देणारे हे लोक माजी पाकिस्तानी पंतप्रधान इम्रान खान आणि पाकिस्तान तहरीक-ए-इंसाफ पक्षाचे (पीटीआय) समर्थक आहेत.