या वर्षीच्या वैद्यकशास्त्रातील नोबेल पुरस्काराची घोषणा, अमेरिकेच्या 2 तर जपानच्या एका संशोधकाचा संयुक्त सन्मान

ब्रूंको या इंस्टीट्यूट ऑफ सिस्टम्स बॉयोलॉजी शी संबंधित आहेत. तर रॅम्सडेल सोनोमा बायोथेरेपॅटिक्सशी संबंधित आहेत. तर साकागुची हे ओसाका युनिव्हर्सिटी जापानमध्ये कार्यरत  आहेत.

नोबेलच्या पहिल्या पुरस्काराची घोषणा सोमवारी करण्यात आली. वैद्यकीय अथवा मेडिसिन क्षेत्रातील तीन दिग्गजांना संयुक्तपणे हा पुरस्कार देण्याची घोषणा करण्यात आली आहे. अमेरिकेचे सिएटल शहरातील मेरी ई ब्रूंको, सॅन फ्रान्सिस्को येथील फ्रेड रॅम्सडेल आणि जापानच्या शिमोन साकागुची, या तीन जणांना हा पुरस्कार देण्यात आला आहे. ब्रूंको या इंस्टीट्यूट ऑफ सिस्टम्स बॉयोलॉजी शी संबंधित आहेत. तर रॅम्सडेल सोनोमा बायोथेरेपॅटिक्सशी संबंधित आहेत. तर साकागुची हे ओसाका युनिव्हर्सिटी जापानमध्ये कार्यरत  आहेत.

'पेरिफेरल इम्यून टॉलरन्स' संबंधीच्या त्यांच्या शोधांसाठी हा पुरस्कार प्रदान करण्यात आला आहे -
नोबेल प्राइझच्या अधिकृत एक्स हँडलवर एका पोस्टद्वारे ही घोषणा करण्यात आली आहे. या पोस्टनुसार, मेरी ई. ब्रूंको, फ्रेड रॅम्सडेल आणि शिमोन साकागुची यांनी रोगप्रतिकारक शक्ती कशी नियंत्रित केली जाते यासंदर्भात संशोधन केले आहे. त्यांना 'पेरिफेरल इम्यून टॉलरन्स' संबंधी त्यांच्या शोधांसाठी हा पुरस्कार प्रदान करण्यात आला आहे. 

BREAKING NEWS
The 2025 #NobelPrize in Physiology or Medicine has been awarded to Mary E. Brunkow, Fred Ramsdell and Shimon Sakaguchi “for their discoveries concerning peripheral immune tolerance.” pic.twitter.com/nhjxJSoZEr

— The Nobel Prize (@NobelPrize) October 6, 2025

या शोधाने वैद्यकशास्त्रात संशोधनाच्या नव्या क्षेत्राचा पाया घातला असून, कर्करोग आणि स्वयंप्रतिकार रोगांवरील नवीन उपचारांच्या विकासाला प्रेरित केले आहे. हा पुरस्कार या तिघांच्याही अतुलनीय योगदानाचा सन्मान आहे. तसेच, वैद्यकशास्त्रातील भविष्यातील प्रगतीसाठी प्रेरणा देणारा आहे.