नायजरची राजधानी नियामे येथील डिओरी हमाणी आंतरराष्ट्रीय विमानतळ परिसरातील हवाई दलाच्या तळावर गुरुवारी पहाटे सशस्त्र हल्लेखोरांनी भीषण हल्ला केला. या हल्ल्याला सुरक्षा दलांनी चोख प्रत्युत्तर दिले असून, यात २० हल्लेखोर ठार झाले आहेत, तर ११ जणांना अटक करण्यात आली आहे. या चकमकीत नायजरचे चार सैनिक जखमी झाले आहेत.
सरकारी दूरचित्रवाणीने दिलेल्या माहितीनुसार, गुरुवारी मध्यरात्रीच्या सुमारास मोटारसायकलवरून आलेल्या सशस्त्र हल्लेखोरांनी हवाई तळावर हल्ला चढवला. सुमारे दोन तास चाललेल्या या चकमकीत मोठे स्फोट आणि जोरदार गोळीबार झाला. दहशतवाद्यांशी झालेल्या झटापटीत नायजरचे चार सैनिक जखमी झाले असून त्यांच्यावर रुग्णालयात उपचार सुरू आहेत. तर, धावपट्टीवर उभ्या असलेल्या 'एअर कोट डी'आयव्हर' कंपनीच्या विमानाचे नुकसान झाले.
या हल्ल्याचा मुख्य उद्देश हवाई दलाच्या ताफ्यातील तुर्की बनावटीचे आधुनिक ड्रोन नष्ट करणे हा असावा, असा संशय आहे. जर्मनीच्या कोनराड ॲडेनॉअर फाउंडेशनचे तज्ज्ञ उल्फ लेसिंग यांनी सांगितले की, जिहादी अतिरेक्यांविरुद्धच्या लढाईत हे ड्रोन गेम चेंजर ठरत असल्याने त्यांना लक्ष्य करण्यात आले असावे. हल्लेखोरांना तुर्कीकडून मिळालेली शस्त्रे आणि ड्रोन नष्ट करायचे होते, जेणेकरून लष्करी कारवाईचा प्रभाव कमी करता येईल, अशीही त्यांनी शक्यता व्यक्त केली.
Web Summary : Terrorists attacked Niamey's international airport, targeting an air force base. Security forces retaliated, killing 20 attackers and arresting 11. Four Niger soldiers were injured. The attack aimed to destroy Turkish drones used in counter-terrorism efforts, damaging an aircraft.
Web Summary : आतंकवादियों ने नियामे के अंतरराष्ट्रीय हवाई अड्डे पर हमला किया, जिसमें वायु सेना के अड्डे को निशाना बनाया गया। सुरक्षा बलों ने जवाबी कार्रवाई करते हुए 20 हमलावरों को मार गिराया और 11 को गिरफ्तार कर लिया। चार नाइजर सैनिक घायल हो गए। हमले का उद्देश्य आतंकवाद विरोधी प्रयासों में इस्तेमाल किए गए तुर्की ड्रोन को नष्ट करना था, जिससे एक विमान क्षतिग्रस्त हो गया।