नेपाळचेपंतप्रधान के.पी. शर्मा ओली यांना मोठा झटका बसला आहे. नेपाळच्या संसदेत प्रतिनिधी सभेत त्यांना बहुमत सिद्ध करण्यात अपयश आलं. राजकीय संकटाचा सामना करणाऱ्या ओली यांना हा आणखी एक झटका मानला दात आहे. यापूर्वी कम्युनिस्ट पार्टी ऑफ नेपाळनं (माओवादी केंद्र) नीत पुष्पकमल दहल गटानं सरकारचा पाठिंबा काढून घेतला होता. त्यानंतर पक्षावर आपली पकड मजबूत करण्यासाठी ओली प्रयत्नशील होती. काही दिवसांपूर्वी भारतासोबत निर्माण केलेल्या संबंधांवरून ओली चर्चेत आले होते. नेपाळच्या राष्ट्राध्यक्षा विद्यादेवी भंडारी यांच्या निर्देशानुसार संसदेच्या खालच्या प्रतिनिधी सदनात विशेष सत्र बोलावण्यात आलं होतं. यावेळी ओली यांना बहुमत सिद्ध करता आलं नाही. ओली यांच्या बाजूनं ९३ तर विरोधात १२४ जणांनी मतदान केलं. ओली यांना बहुमत जिंकण्यासाठी २७५ सदस्यांच्या सभागृहात १३६ मतांची आवश्यकता होती.
नेपाळचे पंतप्रधान के.पी. शर्मा ओली यांना मोठा झटका; बहुमत सिद्ध करण्यात अपयश
By ऑनलाइन लोकमत | Published: May 10, 2021 7:35 PM
Nepal K.P.Oli Sharma : ओली यांना बसला मोठा झटका. नेपाळच्या संसदेत बहुमत सिद्ध करण्यात अपयशी.
ठळक मुद्देनेपाळच्या संसदेत बहुमत सिद्ध करण्यात अपयशी.ओली यांना बसला मोठा झटका.