डोनाल्ड ट्रम्प यांच्या डॉजमधून मस्क यांची अचानक एक्झिट; राष्ट्राध्यक्षांचे सल्लागार पद सोडले...

मस्क यांच्या कसेही निर्णय घेण्यामुळे लाखो अमेरिकन लोकांना नोकऱ्या गमवाव्या लागल्या होत्या. तसेच टेरिफ वॉर असेल किंवा अन्य काही निर्णय यात मस्क यांचा वाटा जास्त होता. यामुळे अमेरिकन लोकांमध्ये मस्क यांच्याविरोधात तीव्र नाराजी होती.

डोनाल्ड ट्रम्प अमेरिकेचे राष्ट्राध्यक्ष झाल्यापासून अमेरिकेच्या आर्थिक सुधारणेसाठी उलटसुलट निर्णय घेणारे, ट्रम्प यांच्या खास डॉज समितीचे अध्यक्ष अब्जाधीश एलन मस्क यांनी अचानक आपल्या पदाचा राजीनामा दिला आहे. ट्रम्प यांच्या सल्लागाराचे पद सोडत असल्याचे मस्क यांनी जाहीर केले आहे. 

मस्क यांच्या कसेही निर्णय घेण्यामुळे लाखो अमेरिकन लोकांना नोकऱ्या गमवाव्या लागल्या होत्या. तसेच टेरिफ वॉर असेल किंवा अन्य काही निर्णय यात मस्क यांचा वाटा जास्त होता. यामुळे अमेरिकन लोकांमध्ये मस्क यांच्याविरोधात तीव्र नाराजी होती. मस्क यांच्या कंपनीच्या कारची विक्री मंदावली होती, तसेच ज्या लोकांनी गाड्या घेतल्या आहेत त्यांच्या गाड्यांना संतापलेले लोक नुकसान करत होते. यामुळे या मालकांना आम्ही मस्क यांचे डोके ठिकाणावर होते, तेव्हा गाडी घेतलेली असे स्टीकर लावावे लागत होते. 

अमेरिकन सरकारमधील विशेष कर्मचारी म्हणून माझा कार्यकाळ संपत आला आहे. सरकारचा अनावश्यक खर्च कमी करण्याची संधी दिल्याबद्दल मी राष्ट्राध्यक्ष डोनाल्ड ट्रम्प यांचे आभार मानतो. DOGE चे ध्येय काळानुसार अधिक मजबूत होईल, असे मस्क यांनी म्हटले आहे. या एक्झिटमागे कारण काही वेगळेच असल्याचे सांगितले जात आहे. 

DOGE चे काम पाहिल्यामुळे मस्क यांना त्यांच्या व्यवसायावर लक्ष देता येत नव्हते. मस्क हे ट्रम्प यांच्या वन बिग ब्युटीफुल बिलावर नाराज असल्याचेही सांगितले जात होते. मला वाटते की बिल मोठे असू शकते किंवा ते उत्कृष्ट असू शकते. परंतु मला वाटत नाही की ते एकाच वेळी दोन्ही असू शकेल, असे मस्क यांनी म्हटले होते. यामुळे ट्रम्प आणि मस्क यांच्यात वितुष्ट निर्माण झाल्याचे सांगण्यात येत आहे. मस्क यांनी १३० दिवस अमेरिकन सरकारमध्ये विशेष कर्मचारी म्हणून काम केले.या काळात टेस्लाला खूप मोठा फटका बसला आहे. विक्री गडगडलेली असताना शेअर्सही कोसळलेले आहेत.