पाकिस्तानच्या एअरबेसवर मोठा दहशतवादी हल्ला; स्फोटांचे आवाज, गोळीबार सुरू

एकामागोमाग एक असे अनेक बॉम्बस्फोटाचे आवाजही ऐकायला आले आहेत. याबाबत पाकिस्तानी लष्कराने अद्याप कोणतेही वक्तव्य जारी केलेले नाही.

भारताला त्रास देण्यासाठी पाकिस्तान दहशतवाद पोसत असताना आता त्याच देशाला दहशतवाद पोखरू लागला आहे. आज पाकिस्तान हवाई दलाच्या एअरबेसवर मोठा दहशतवादी हल्ला झाला आहे. आत्मघातकी हल्लेखोरांनी पंजाबच्या मियावलीतील हवाई तळावर घुसखोरी केली आहे. दोन्ही बाजुने जबरदस्त फायरिंग सुरु झाली आहे. 

हवाई दलावर नुकताच हा हल्ला झाला असून घातक शस्त्रास्त्रे घेऊन दहशतवादी घुसले आहेत. याचा व्हिडिओही समोर आला आहे. एअरबेसच्या आत प्रचंड आग आणि धुर दिसत आहे. आत्मघातकी हल्लेखोर शिडीवरून तिथे घुसले आणि त्यानंतर त्यांनी हल्ला सुरू केला. एकामागोमाग एक असे अनेक बॉम्बस्फोटाचे आवाजही ऐकायला आले आहेत. याबाबत पाकिस्तानी लष्कराने अद्याप कोणतेही वक्तव्य जारी केलेले नाही.

Terrorists attacked Pakistan Air Force base in Mianwali four terrorists have been eliminated, and a clearance operation is currently in progress.#Pakistan#mianwalipic.twitter.com/FFQZhVnP1n

— KK (@Way_of_lights) November 4, 2023

दरम्यान, चार दहशतवाद्यांना ठार करण्यात आल्याचे स्थानिक मीडियाने म्हटले आहे. 

मियांवली या एअरबेसवर इम्रान खानच्या पक्षाच्या समर्थकांनी खानला जेव्हा अटक झालेली तेव्हा हल्ला केला होता. या आंदोलकांनी तेव्हा एका विमानाच्या संरचनेला देखील आग लावली होती.