Plane Crash: केनियात मोठी दुर्घटना! मसाई माराकडे जाणारे विमान कोसळले; १२ जणांच्या मृत्युची भीती
By ऑनलाइन लोकमत | Updated: October 28, 2025 15:08 IST2025-10-28T15:05:25+5:302025-10-28T15:08:27+5:30
Plane Crash in Kenya: केनियाच्या किनारी भागातील क्वाले येथे विमान कोसळल्याची घटना समोर आली.
Representative Image
केनियाच्या किनारी भागातील क्वाले येथे एका विमानाला अपघात झाल्याची माहिती केनियाच्या अधिकाऱ्यांनी दिली. मसाई मारा राष्ट्रीय राखीव क्षेत्रातील एका लोकप्रिय पर्यटन स्थळाकडे जात असताना हे विमान कोसळले. या अपघातात विमानातील सर्व १२ जणांचा मृत्यू झाल्याची भीती व्यक्त करण्यात येत आहे.
A plane has crashed while en route to Kenya's popular Maasai Mara reserve and 12 people are feared dead, officials say. https://t.co/Bya83ZLGwP
— The Associated Press (@AP) October 28, 2025
केनियाच्या अधिकाऱ्यांनी दिलेल्या माहितीनुसार, हा अपघात डायनी हवाई पट्टीपासून सुमारे ४० किलोमीटर अंतरावर असलेल्या डोंगराळ भागात झाला. विमानातील १२ जणांची नेमकी स्थिती काय आहे? याबाबत अद्याप अधिकृत माहिती जाहीर करण्यात आलेली नाही. मात्र, मृतांची संख्या मोठी असण्याची शक्यता आहे.
क्वाले काउंटी कमिशनर स्टीफन ओरिंडे यांनी असोसिएटेड प्रेसला सांगितले की, "अपघातस्थळी तात्काळ शोध आणि बचावकार्य सुरू करण्यात आले आहे. या बचावकार्याचे तपशील लवकरच जाहीर केले जातील." केनिया नागरी विमान वाहतूक प्राधिकरणाने या घटनेला दुजोरा दिला असून, विमानात एकूण १२ जण होते. या अपघागाचे नेमके कारण काय होते? याचा तपास अधिकारी करत आहेत.