काहीतरी मोठे घडणार...! दोन लढाऊ विमानांच्या संरक्षणात नेतन्याहूंनी देश सोडला; खासगी कंपन्यांची विमानेही इस्रायलबाहेर निघाली...

Israel vs Iran War: इराणच्या संभाव्य हल्ल्यांमुळे इस्रायलचे पंतप्रधान बेंजामिन नेतन्याहूंनी देश सोडल्याचे वृत्त येत आहे. इराणवरील हल्ल्यांनंतर इस्रायली पंतप्रधान बेंजामिन नेतान्याहू यांना एका गुप्त ठिकाणी नेण्यात आले आहे.

इस्रायलच्या आकाशात खूप मोठ्या घडामोडी घडू लागल्या आहेत. इस्रायलने आज दिवसभरात तिसऱ्यांदा इराणवर हल्ला चढविला आहे. पहाटे शेकडो लढाऊ विमाने इराणमध्ये घुसली होती, तिथे इराणच्या अण्वस्त्र कार्यक्रमावर हल्ले करून ती परतली होती. यात इराणचे महत्वाचे अण्वस्त्र शास्त्रज्ञ मारले गेले आहेत. अशातच इराणने इस्रायलवर हल्ल्याची तयारी सुरु केली असून मोठे युद्ध भडकण्याची शक्यता व्यक्त होत आहे. 

इराणच्या संभाव्य हल्ल्यांमुळे इस्रायलचे पंतप्रधान बेंजामिन नेतन्याहूंनी देश सोडल्याचे वृत्त येत आहे. इराणवरील हल्ल्यांनंतर इस्रायली पंतप्रधान बेंजामिन नेतान्याहू यांना एका गुप्त ठिकाणी नेण्यात आले आहे. नेतान्याहू यांच्या विमानाचा एक फोटोही समोर आला आहे, ज्यामध्ये त्यांना दोन लढाऊ विमानांनी एका गुप्त ठिकाणी नेले जात असल्याचे दिसून आले आहे. इस्रायलच्या चॅनल १२ ने नंतर वृत्त दिले की विमान ग्रीसची राजधानी अथेन्समध्ये उतरले आहे. 

आणखी एक लक्षात घेण्यासारखी बाब म्हणजे इस्रायली विमान कंपन्यांनी त्यांची विमाने एकही प्रवासी न घेता परदेशात हलविली आहेत. एलएल इस्रायल आणि अर्कियाने आपली विमाने इस्रालयबाहेर नेऊन पार्क केली आहेत. तेल अवीवच्या बेन गुरियन विमानतळाच्या प्रवक्त्याने सांगितले की, विमानांनी प्रवाशांशिवाय उड्डाण केले. पुढील सूचना मिळेपर्यंत विमानतळ बंद ठेवण्यात आले आहेत. इस्रायल एअरलाइन्सने सांगितले की ते त्यांची विमाने विमानतळावरून काढून इतरत्र हलवत आहेत. गेल्या काही दिवसांपासून तयार केलेल्या आकस्मिक योजनेचा हा भाग असल्याचे त्यांनी म्हटले आहे. एल अलने सांगितले की ते इस्रायलमधील त्यांच्या गंतव्यस्थानांवर विमाने हलवत आहेत, तर अर्कियाने त्यांची विमाने कुठे पाठवली जात आहेत हे सांगण्यास नकार दिला.