इस्रायलचा इराणवर मोठा हल्ला, ५० हून अधिक लढाऊ विमानांचा कहर; महत्त्वाच्या लष्करी तळांवर तुफान बॉम्बिंग

आपल्या एअरफोर्सने पश्चिमेकडील, मध्य आणि पूर्वेकडील इराणमधील सहा विमानतळांवर हल्ला केला. यात रनवे, अंडरग्राउंड हँगर, ईंधन भरणारे विमानं, एफ-14, एफ-5 आणि एएच-1 विमाने नष्ट झाली, असा दावाही आयडीएफने केला आहे...

आपल्या 50 हून अधिक लढाऊ विमानांनी, गुप्तचर विभागाकडून मिळालेल्या अचूक माहितीच्या आधारे, तेहरानमधील इराणच्या अंतर्गत सुरक्षा दलांशी संबंधित आणि इराणी इस्लामिक रिव्होल्यूशनरी गार्ड कॉर्प्सशी (IRGC) संबंधित काही महत्वाच्या कमांड सेंटर्स तथा मालमत्तांवर हवाई हल्ले केले, असा दावा इस्रायली लष्कराने (IDF) सोमवारी केला. याशिवाय, हे हवाई हल्ले, इराणी शासनाच्या लष्करी क्षमतांना नुकसान पोहोचवण्यासाठी, तेहरान परिसरातील इराणच्या लष्करी मुख्यालयावर, क्षेपणास्त्र आणि रडार उत्पादन स्थळांवर तथा क्षेपणास्त्र साठवणुकीला लक्ष्य करून करण्यात आले, असेही आयडीएफने म्हटले आहे.

आयडीएफने म्हटले आहे की, "आपण इराणच्या अनेक सैन्य मुख्यालयांवर हल्ला केला, यात 'थरल्लाह' मुख्यालयाचाही समावेश आहे. जे रिव्होल्यूशनरी गार्ड्सचे सामान्य मुख्यालय आहे. हे मुख्यालय तेहरानला अंतर्गत धोक्यांसह इतर संरक्षण धोक्यांपासून वाचवण्यासाठी तयार करण्यात आले होते. याशिवाय, इस्रायली लढाऊ विमानांनी रिव्होल्यूशनरी गार्ड्सच्या अंतर्गत येणाऱ्या आणि इराणच्या अंतर्गत सुरक्षेची जबाबदार अलणाऱ्या 'सय्यद अल-शहादा' ब्रिगेडवरही बॉम्बहल्ला केला."

🎯 A List of Targets Struck in Iran This Afternoon:
1. Command centers and assets belonging to the IRGC and internal security forces
2. 𝗕𝗮𝘀𝗶𝗷 𝗛𝗲𝗮𝗱𝗾𝘂𝗮𝗿𝘁𝗲𝗿𝘀- One of the IRGC’s central armed bases of power; responsible for enforcing Islamic law and reporting…

— Israel Defense Forces (@IDF) June 23, 2025

आयडीएफने म्हटले आहे की, "त्यांनी इराणच्या लष्करी क्षमतेवर हल्ले तीव्र केले आहेत आणि इस्रायलच्या सुरक्षिततेच्या दृष्टीने कारवाई सुरूच राहील. या हल्ल्यात आयआरजीसीच्या मध्यवर्ती सशस्त्र तळांपैकी एक असलेल्या बासीज मुख्यालयाला लक्ष्य करण्यात आले. इतर कामांबरोबरच, हे मुख्यालय इस्लामिक कायद्याची अंमलबजावणी करण्यासाठी आणि त्यांचे उल्लंघन करणाऱ्या नागरिकांची माहिती अधिकाऱ्यांना कळवण्याचे काम करते. इस्रायली हवाई हल्ल्यामुळे अल्बोरज कोरचेही नुकसान झाले, जे तेहरानच्या आसपासच्या शहरांचे विविध धोक्यांपासून संरक्षण करते. तसेच शासनाच्या स्थिरतेसाठीही काम करते.

💥The IDF struck 6 regime airports across western, central, and eastern Iran, destroying runways, underground hangars, refueling aircraft, F-14, F-5 and AH-1 aircraft.

The destroyed aircraft were meant to stop IAF jets. The IAF impaired takeoff capabilities from these airports,… pic.twitter.com/eI1iKw4NqL

— Israel Defense Forces (@IDF) June 23, 2025

याशिवाय, इस्रायली लढाऊ विमानांनी इराण अंतर्गत सुरक्षा दलांच्या अखत्यारीत येणाऱ्या गुप्तचर आणि जनरल सिक्युरिटी पोलिसांनाही लक्ष्य केले. यामुळे, इराणची सैन्य क्षमता आणि नियंत्रण स्थापित करण्याच्या त्यांच्या क्षमतेचे मोठे नुकसान झाले आहे, असे आयडीएफने म्हटले आहे. तसेच, आपल्या एअरफोर्सने पश्चिमेकडील, मध्य आणि पूर्वेकडील इराणमधील सहा विमानतळांवर हल्ला केला. यात रनवे, अंडरग्राउंड हँगर, ईंधन भरणारे विमानं, एफ-14, एफ-5 आणि एएच-1 विमाने नष्ट झाली, असा दावाही आयडीएफने केला आहे.