Israel Iran Conflict : इस्त्रायली हल्ल्यात इराणमध्ये दोन भारतीय विद्यार्थी जखमी; भारताने परत आणण्याची तयारी केली, या मार्गाने आणले जाणार

Israel Iran Conflict : इराण आणि इस्त्रायलमध्ये मागील काही दिवसांपासून तणाव सुरू आहे.

Israel Iran Conflict : मागील काही दिवसांपासून इराण आणि इस्त्रायलमध्ये तणाव सुरू आहे. दोन्ही देशांनी एकमेकांवर हल्ले केले आहेत, या दोन्ही देशातील तणावामुळे जग तिसऱ्या महायुद्धाच्या उंबरठ्यावर आहे. 

या युद्धात आता सामान्य लोकही सापडले आहेत. याचा परदेशी विद्यार्थ्यांच्या सुरक्षिततेवरही परिणाम होत आहे. काल रात्री तेहरान युनिव्हर्सिटी ऑफ मेडिकल सायन्सेसच्या आंतरराष्ट्रीय विद्यार्थ्यांच्या मुलांच्या वसतिगृहाजवळ हल्ला झाला. या हल्ल्यात दोन भारतीय विद्यार्थी जखमी झाले. हे दोन्ही विद्यार्थी जम्मू आणि काश्मीरचे आहेत. 

एअर इंडियाच्या आणखी एका विमानात बिघाड; फ्लाईटने हवेतून यु-टर्न घेतला, हाँगकाँगला गेले

दोन्ही विद्यार्थ्यांची प्रकृती आता स्थिर आहे आणि विद्यापीठ प्रशासनाने त्यांची सुरक्षितता लक्षात घेऊन त्यांना रामसर येथे हलवले आहे. या घटनेमुळे इराणमध्ये शिकणाऱ्या भारतीय विद्यार्थ्यांच्या सुरक्षिततेबाबत चिंता निर्माण झाली आहे. स्थानिक प्रशासन आणि भारतीय दूतावास या प्रकरणाची चौकशी करत आहेत. विद्यार्थ्यांना सुरक्षितस्थळी हलवण्यासाठी इराणसोबत चर्चा करत आहेत. 

इराणमध्ये अडकलेल्या भारतीयांना बाहेर काढण्यासाठी भारत सरकार एक मोहीम सुरू करणार आहे. 'भारतीयांसह परदेशी नागरिकांना त्यांच्या देशात सुरक्षितपणे पाठवले जाईल', असं इराण सरकारने म्हटले आहे.

इराणमध्ये अडकलेल्या भारतीय नागरिकांना अझरबैजान, तुर्कमेनिस्तान आणि अफगाणिस्तानच्या सीमेवरून बाहेर काढले जाईल.

इराणने थेट अमेरिकन दूतावासावर डागली मिसाइल्स

 इस्रायलमधील तेल अवीव येथील अमेरिकन दूतावासावर इराणने क्षेपणास्त्राच्या सहाय्याने हल्ला केला आहे. दूतावासावरील या हल्ल्यात इमारतीचा एक भाग पूर्णपणे उद्ध्वस्त झाला आहे. मात्र सुदैवाने कोणत्याही जीवितहानीते वृत्त नाही. अमेरिका सरकार इस्रायल आणि इराण यांच्यात शांतता प्रस्थापित करण्याच्या प्रयत्न करत आहे. त्याच वेळी अशा प्रकारचा हल्ला झाल्याने यातून अनेक अर्थ काढले जात आहेत.

दूतावास दिवसभरासाठी बंद

वृत्तसंस्था असोसिएटेड प्रेसच्या वृत्तानुसार, इराण इस्रायलवर सतत क्षेपणास्त्र हल्ले करत आहे. त्यातच आता इराणी क्षेपणास्त्राने अमेरिकन दूतावासावर हल्ला केला. अमेरिकेचे राजदूत माइक हकाबी यांच्या मते, या हल्ल्यात अमेरिकन वाणिज्य दूतावासाच्या इमारतीच्या काही भागाचे नुकसान झाले आहे. परंतु, कोणीही जखमी किंवा मृत्युमुखी पडलेले नाही. खबरदारी म्हणून तेल अवीवमधील वाणिज्य दूतावास आणि जेरुसलेममधील दूतावास संपूर्ण दिवसासाठी बंद ठेवण्यात आले आहे.