"इराणने मला जिवे मारण्याचा प्रयत्न केला, बेडरूमवर डागलं क्षेपणास्त्र’’, इस्राइलचे पंतप्रधान नेतन्याहू यांनी केला दावा   

Israel-Iran Conflict: मला जिवे मारण्याच्या प्रयत्न इराणकडून केला गेला होता, असा दावा बेंजामिन नेतन्याहू यांनी केला आहे. तसेच अमेरिकेचे राष्ट्राध्यक्ष डोनाल्ट ट्रम्प यांना दिवे मारण्याचा प्रयत्नही इराणणे केला, असा खळबळजनक दावा बेंदामिन नेतन्याहू यांनी केला.

गेल्या तीन-चार दिवसांपासून इस्राइल आणि इराणमध्ये घमासान संघर्ष सुरू आहे. यादरम्यान, इस्राइलकडून होणाख्या आक्रमक कारवायांना इराणही तितकंच चोख प्रत्युत्तर देत आहे. दोन्ही देशांकडून एकमेकांवर क्षेपणास्त्रे आणि ड्रोनचा मारा केला जात आहे. यादरम्यान, इस्राइलचे पंतप्रधान बेंजामिन नेतन्याहू यांनी एक गंभीर आरोप केला आहे. मला जिवे मारण्याच्या प्रयत्न इराणकडून केला गेला होता, असा दावा बेंजामिन नेतन्याहू यांनी केला आहे. तसेच अमेरिकेचे राष्ट्राध्यक्ष डोनाल्ट ट्रम्प यांना दिवे मारण्याचा प्रयत्नही इराणणे केला, असा खळबळजनक दावा बेंदामिन नेतन्याहू यांनी केला.

इस्राइलचे पंतप्रधान बेंजामिन नेतन्याहू म्हणाले की,  इराणने माझ्या हत्येचाही प्रयत्न केला. इराणनमे मला लक्ष्य करून क्षेपणास्त्रे डागली. इराणची ही क्षेपणास्त्रे माझ्या बेडरूमवर येऊन आदळली, असा दावा नेतन्याहू यांनी केला. एवढंच नाही तर अमेरिकेचे राष्ट्राध्यक्ष डोनाल्ड ट्रम्प यांच्या हत्येचा प्रयत्नही इराणने केला होता, असा दावा इस्राइलचे पंतप्रधान नेतन्याहू यांनी केला.

याबाबत अधिक माहिती देताना इस्राइलचे पंतप्रधान नेतन्याहू यांनी सांगितले की, डोनाल्ड ट्रम्प यांना मारण्याचा इराणचा इरादा होता. ते इराणचे पहिया क्रमांकाचे शत्रू आणि निर्णायक नेते आहेत. त्यांना कमकुवत करण्यासाठी काही कटकारस्थान करता येणार नाही. नेतन्याहू पुढे म्हणाले की, इराणला अण्वस्त्र सज्ज होण्यापासून रोखण्यासाठी डोनाल्ड ट्रम्प यांनी सक्त भूमिका घेतली आहे. त्यांच्या याच भूमिकेमुळे ते टार्गेटवर आहेत, असा दावा नेतन्याहू यांनी केला. तसेच इराण आपली अण्वस्त्रे तयार करू शकत नाही, असेही त्यांनी स्पष्ट केले.