दुबई : अमेरिकेने इराणच्या अणुतळांवर हल्ला केलेल्या ३६ तास उलटत नाहीत तोच इराणने अमेरिकेला प्रत्युत्तर दिले. इराणने अमेरिकेच्या कतार येथील लष्करी तळांवर १० मिसाईल डागले. रात्री उशिरा झालेल्या या हल्ल्यातील १० पैकी ९ मिसाईल जमिनीवर पडण्याआधीच नष्ट केल्याचा दावा कतारने केला आहे.
इस्रायलने इराणच्या सरकारी इमारती, कुप्रसिद्ध एविन कारागृह आणि रेव्होल्युशनरी गाईसचे मुख्यालय यावर सोमवारी जोरदार हल्ले केले.
इराणने केलेल्या हल्ल्यांना प्रत्युत्तर म्हणून ही कारवाई करण्यात आली. तसेच तेहरानजवळच्या फोडों अणुकेंद्रामध्ये कोणालाही जाता येऊ नये, या हेतूने इस्रायलने केलेल्या हल्ल्यांमुळे त्या केंद्राभोवतालच्या परिसराचे मोठे नुकसान झाले आहे. अमेरिकेनेही रविवारी या अणुकेंद्रावर मारा केला होता.
इराणमधील ६ तळांवर हल्ल्याचा इस्रायलचा दावा
इराणमधील तेहरान, नतांझ, फोर्डो, तबरीज, इस्फहान, सिराज या सहा सैनिकी, अणुतळ व विमानतळांवर हवाई हल्ले केल्याचा दावा इस्रायलच्या संरक्षण मंत्रालयाने केला आहे. या हल्ल्यात इराणच्या हवाई दलाच्या ताफ्यातील एफ-१४, एफ-५, एएच-१ या प्रकारची विमाने तसेच विमानतळांकडे जाणारे रस्ते, धावपट्टीची हानी झाली.
कुठे, किती नुकसान?
इराणच्या हल्ल्यांमुळे इस्रायलमध्ये जीवितहानीबाबत अधिकृत माहिती लगेच उपलब्ध झाली नसली तरी किमान २४ लोकांचा मृत्यू आणि १,००० पेक्षा जास्त इस्रायली लोक जखमी झाल्याचे सूत्रांकडून समजते.
अनेक जण भीतीने थरथरले...
कतारमधील अमेरिकन एअर बेसवर झालेल्या हल्ल्यावेळी अचानक भीषण आवाज झाले. इमारत हलली, खिडक्याही थरथरल्या. बाहेर पाहिले, तर आकाशात स्फोट होत होते. दृश्यच विचित्र आणि धक्कादायक होते, असे कतारमधील जॉर्जटाउन विद्यापीठात प्राध्यापक असलेले मेहरान कामरावा यांनी एका वेबसाईटला सांगितले.
त्यांचे घर अल उदीद हवाई तळापासून अवघ्या ३० किलोमीटर अंतरावर आहे. ते म्हणाले, माझे शेजारी पळत होते. अनेकजण घाबरलेले होते. काही तर घाबरून रडायलाही लागले होते. गेल्या १८ वर्षांत कधीच सायरनचा आवाज ऐकला नव्हता.
सीरियातील अमेरिकी लष्करी तळावरही इराणचा हल्ला
अमेरिकेने रविवारी इराणच्या अणुकेंद्रांवर हल्ला केल्या. त्याला प्रत्युत्तर म्हणून इराणने सोमवारी सीरियातील एका अमेरिकी लष्कर तळावर हल्ला केला. मात्र या घटनेस अमेरिकेने दुजोरा दिला नाही. या हल्ल्यात किती लोक जखमी किंवा मृत झाले याची आकडेवारी अद्याप उपलब्ध झालेली नाही.
मध्यरात्री काय घडले, अपडेट...
अमेरिकेचे अध्यक्ष डोनाल्ड ट्रम्प सध्या सिच्युएशन रूममध्ये आहेत. त्यांच्यासोबत संरक्षण सचिव पीट हेगसेथ आणि संयुक्त लष्करी दलांचे अध्यक्ष जनरल डॅन केन उपस्थित आहेत, अशी माहिती अमेरिकेच्या संरक्षण मंत्रालयातील एका अधिकाऱ्याने दिली.
ड्रील बेबी ड्रील, तेलाचे उत्पादन वाढवा
तेलाच्या किमती नियंत्रणात ठेवण्यासाठी अमेरिका व इतर तेल उत्पादक देशांनी तेलाचे उत्पादन वाढवावे, असे आवाहन अमेरिकेचे राष्ट्राध्यक्ष डोनाल्ड ट्रम्प यांनी केले आहे. ड्रील बेबी ड्रील, मी म्हणतोय आताच, सगळ्यांनी, तेलाच्या किमती खाली ठेवा.
कतारची हवाई हद्द बंद
इराण-इस्रायलमधील वाढता संघर्ष, अमेरिकेचे हल्ले या घडामोडींच्या पार्श्वभूमीवर कतारने हवाई हद्द तात्पुरती बंद करण्याचा निर्णय घेतला आहे.
डिझेल, भांडार आणि इतर पुरवठादारांचीही साधारण २१७ कोटींची देणी थकलेली आहेत.