Iran Israel War : इस्त्रायलच्या हल्ल्याला घाबरुन लोकांनी तेहरान सोडलं; इराण सरकारनं भूमिगत मेट्रो स्टेशन उघडलं

Iran Israel War : इराणची राजधानी तेहरानवर इस्त्रायलने हल्ले वाढवले आहे, यामुळे आता तेहरान शहरातील लोकांनी बाहेर पडण्यास सुरुवात केली आहे.

Iran Israel War : मागील काही दिवसांपासून इस्त्रायल आणि इराणमध्ये तणाव सुरू आहे.इस्त्रायलने इराण शहराची राजधानी तेहरानवर हल्ले वाढवले आहे. या हल्ल्यांना घाबरुन आता लोकांनी शहर सोडण्यास सुरूवात केली आहे. शहरातील रस्त्यांवर गाड्यांच्या लांबच लांब रांगा लागल्या आहेत. महत्वाच्या रस्त्यांवर वाहनांची मोठी गर्दी झाली आहे. शहरातील लोक इराणच्या ग्रामीण भागात जात असल्याचे दिसत आहे. 

इस्त्रायलने इराणच्या तेहरान शहरावर हल्ले सुरुच ठेवले आहे. या हल्ल्यात अनेकांचा मृत्यू झाला असून अनेकजण जखमी आहेत. इस्रायली हल्ल्यानंतर इराणची राजधानी तेहरानमध्ये घबराटीचे वातावरण आहे. सतत होणाऱ्या क्षेपणास्त्र हल्ल्यांमुळे आणि बॉम्बहल्ल्यांमुळे जनता भीतीच्या छायेत आहे. 

Donald Trump: ...तर अमेरिकी फौजा तुटून पडतील; डोनाल्ड ट्रम्प यांचा इराणला इशारा!

तेहरानमधील सामान्य नागरिक हे शहर लवकरात लवकर सोडत आहेत. इस्रायल तेहरानवर सतत हल्ले करत आहे. काही लोक इराणच्या उत्तरेकडील ग्रामीण भागात पळून जाण्याचा प्रयत्न करत होते. पण लोकांच्या प्रचंड गर्दीमुळे रस्ते ठप्प झाले आहेत. लोक वाटेतच अडकले आहेत.

#Iran
The exodus of residents from Tehran continues — it did not stop all night, and heavy traffic jams are still being observed in the morning. pic.twitter.com/11v7CZ9PH3

— Boris Alexander Beissner (@boris_beissner) June 16, 2025

तेहरानमध्ये पेट्रोलसाठी अनेक किलोमीटर लांबच लांब रांगा लागल्या आहेत. अनेकांनी आपल्या मुलांसाठा घर सोडण्यास नकार दिलाय. अमेरिका दोन्ही देशांमधील हल्ले रोखण्यासाठी पावले उचलेल, अशा येथील नागरिकांची इच्छा आहे. 

इराणी सरकार लोकांची भीती कमी करण्याचा प्रयत्न करत आहे. इराणी सरकारच्या प्रवक्त्या फतेमेह मोहजेरानी यांनी सरकारी टीव्हीला सांगितले की, इस्रायली हल्ल्यांदरम्यान इराणी लोक मशिदी आणि शाळांमध्ये तसेच मेट्रो सिस्टीममध्ये आश्रय घेऊ शकतात, ही रविवार रात्रीपासून खुली राहील.

Dramatic exodus from #Tehran underway in major highways and city streets are gridlocked as #Tehranis rush to flee ahead of potential #Israeli airstrikes. pic.twitter.com/uHMxqAfHjF

— Barzan Sadiq (@BarzanSadiq) June 15, 2025

"अन्न, औषध, इंधनाच्या उपलब्धतेत कोणतीही समस्या नाही," तेहरान सिटी कौन्सिलचे अध्यक्ष मेहदी चारमन म्हणाले, शहरात बॉम्ब निकामी केंद्रे नसल्यामुळे पर्याय शोधले जात आहेत. "दुर्दैवाने, तेहरान आणि इतर शहरांमध्ये प्रतिबंधक केंद्रे नाहीत," असे त्यांनी सांगितले. तळघर हा एक पर्याय आहे आणि "अत्यंत" परिस्थितीत, भूमिगत मेट्रोचा वापर केला जाऊ शकतो, परंतु तो बंद करावा लागेल.

#Iran: long lines of traffic being reported on the roads exiting #Tehran as many residents are fleeing the city, fearing further Israeli bombardments. pic.twitter.com/rTdl8uTWKG

— Thomas van Linge (@ThomasVLinge) June 15, 2025