Iran America War :'अमेरिकेला फक्त १४ दिवसांच्या युद्धात भीक मागायला भाग पाडले'; इराणने पुन्हा डिवचले

Iran America War : अमेरिकेचे अध्यक्ष डोनाल्ड ट्रम्प यांनी खार्ग बेट नष्ट केल्याच्या दाव्यावरही इराणने टीका केली आहे. इराणचे परराष्ट्र मंत्री अब्बास अरघची म्हणाले की, केवळ १४ दिवसांच्या युद्धात अमेरिका मदत मागण्याइतकाच मर्यादित झाला आहे. आज, आंतरराष्ट्रीय बाजारात कच्च्या तेलाच्या किंमती वाढू नये म्हणून अमेरिका जगाला रशियाकडून तेल खरेदी करण्याची विनंती करत आहे.

Iran America War  : मागील १४ दिवसांपासून अमेरिकाइराणमध्ये युद्ध सुरू आहे. इराणने होर्मुझ मार्ग बंद करून जगाला वेठीस धरले आहे. अमेरिकेचे अध्यक्ष डोनाल्ड ट्रम्प यांनी इराणचे खार्ग बेट उद्ध्वस्त केल्याचा दावा केला. यानंतर इराणनेही प्रत्युत्तर दिले. अमेरिकेचे अध्यक्ष डोनाल्ड ट्रम्प यांना लक्ष्य करत म्हटले आहे की, केवळ १४ दिवसांच्या युद्धात आपण अमेरिकेला भिकारी बनवले आहे. रशियाकडून तेल खरेदी करण्याच्या अमेरिकेच्या आवाहनाला उत्तर म्हणून इराणचे हे विधान आले.

आंतरराष्ट्रीय बाजारात तेलाच्या किमतीत वाढ रोखण्यासाठी अमेरिकेने जगभरातील देशांना रशियाकडून तेल खरेदी करण्याचे आवाहन केले आहे.

VIDEO: एकामागून एक मिसाइल पडतच राहिली... इराणच्या 'तेलसमृद्ध' खर्ग बेटांवर अमेरिकेचा हल्ला

इराणचे परराष्ट्र मंत्री अब्बास अराघची यांनी एक्स वरील एका पोस्टमध्ये लिहिले  की, "महिने-महिने, अमेरिका भारतावर रशियन तेल खरेदी करू नये म्हणून दबाव आणत आहे, परंतु इराणशी युद्ध सुरू होऊन अवघ्या दोन आठवड्यांत, व्हाईट हाऊस आता भारतासह जगाला रशियाकडून तेल खरेदी करण्याची विनंती करत आहे."
अराघची यांनी युरोपीय देशांवरही निशाणा साधला.

" युरोपीय देश अमेरिकेच्या "बेकायदेशीर युद्धाला" पाठिंबा देत आहेत. त्यांना वाटते की इराणविरुद्ध अमेरिकेच्या बेकायदेशीर युद्धाला पाठिंबा देऊन ते रशियाविरुद्ध वॉशिंग्टनचा पाठिंबा मिळवतील. पण हे मूर्खपणाचे आहे, असेही ते म्हणाले.

इराणच्या परराष्ट्र मंत्रालयाने 'एक्स' वर त्यांच्या विधानासह फायनान्शियल टाईम्सचा अहवाल पोस्ट केला. फायनान्शियल टाईम्सच्या अहवालात कच्च्या तेलाच्या वाढत्या किमतींमुळे रशियाला कसा फायदा होत आहे आणि त्याचे उत्पन्न कसे वाढत आहे यावर प्रकाश टाकण्यात आला आहे. अराघची यांच्या विधानाच्या काही काळापूर्वी, ट्रम्प प्रशासनाने जगभरातील देशांना रशियन तेल खरेदी करण्यावर ३० दिवसांची सूट जाहीर केली.

अमेरिकेने भारताला परवानगी दिली

गेल्या आठवड्यात, अमेरिकेचे ट्रेझरी सेक्रेटरी स्कॉट बेसंट म्हणाले की, तेल बाजारात तेल पुरवठा वाढवण्यासाठी वॉशिंग्टनने भारताला रशियाकडून अडकलेले तेल खरेदी करण्याची परवानगी दिली आहे. भारतीय चांगले घटक आहेत. आम्ही त्यांना रशियन तेल खरेदी थांबवण्यास सांगितले आणि त्यांनी तसे केले. त्यांनी अमेरिकेची विनंती मान्य केली. आता आम्ही त्यांना तात्पुरती सूट देत आहोत.

जागतिक बाजारात कच्च्या तेलाची किंमत प्रति बॅरल १०० डॉलर्सच्या पुढे गेल्यानंतर अमेरिकेने ही सूट जाहीर केली. इराण युद्ध आणि होर्मुझच्या सामुद्रधुनीतील अडथळ्यामुळे पुरवठा विस्कळीत झाला आहे, यामुळे जगभरात तेलाचे दर वाढले आहेत.