वर्गात मित्राला कसे मारायचे? ChatGPT वर एक प्रश्न विचारला; विद्यार्थ्याला तुरुंगात जावे लागले

अमेरिकेतील फ्लोरिडा येथील एका शालेय विद्यार्थ्याने चॅटजीपीटीला प्रश्न विचारल्या प्रकरणी अटक केली आहे.

सध्या ChatGPT वापरणाऱ्यांची संख्या वाढली आहे. लहान मुलांपासून ते वृद्धांपर्यंत अनेक जण ChatGPT वापरत आहेत. अमेरिकेत चॅटजीपीटीला प्रश्न विचारल्या प्रकरणी एका विद्यार्थ्याला पोलिसांनी ताब्यात घेतले आहे. विद्यार्थ्यांच्या ऑनलाइन अॅक्टिव्हिटीवर  पाळत ठेवणारी यंत्रणा बसवली आहे. फ्लोरिडाच्या एका शाळेतील विद्यार्थ्याने  चॅटजीपीटीवर मित्राला कसे मारायचे असा प्रश्न विचारल्याचे उघडकीस आणले.

मिळालेल्या माहितीनुसार, विद्यार्थ्याने चॅटजीपीटीला वर्गाच्या मध्यभागी मित्राला कसे मारायचे याबद्दल विचारले. गॅगल नावाच्या कंपनीने चालवलेल्या पाळत ठेवणाऱ्या यंत्रणेने शाळा प्रशासनाला सतर्क केले. चौकशी केली असता, विद्यार्थ्याने सांगितले की, "माझ्या मित्राने मला त्रास दिला होता, म्हणून मी त्याला त्रास देत होतो." अधिकाऱ्यांनी मुलाच्या पालकांशी संपर्क साधला आणि  माहिती दिली.

महसूल मंत्र्यांचा दुय्यम निबंधक कार्यालयातच छापा; अधिकाऱ्यांच्या ड्रॉवरमध्ये आढळले पैसे

त्यानंतर विद्यार्थ्याला काउंटी तुरुंगात पाठवले. त्याच्यावर कोणते आरोप दाखल करण्यात आले आहेत हे उघड करण्यात आले नाही. गॅगल अमेरिकेतील अनेक राज्यांमध्ये सुरक्षा सेवा प्रदान करते. ते कीवर्ड फिल्टर करते, निष्कर्ष काढते आणि अधिकाऱ्यांना सतर्क करते. विद्यार्थ्यांच्या ऑनलाइन अॅक्टिव्हिटीचा मागोवा घेण्यासाठी ते गुगल जेमिनी, चॅटजीपीटी आणि इतर एआय प्लॅटफॉर्मवर देखील लक्ष ठेवते.

गुन्ह्यांसाठी एआय चॅटबॉट्सचा वापर केल्याची असंख्य प्रकरणे नोंदवली आहेत. आत्महत्येची अनेक प्रकरणे देखील समोर आली आहेत. यात एआयला कारण मानले जात आहे.