आतापर्यंत इस्रायलच्या हल्ल्यात इराणचे किती लोक मारले गेले? आकडा पाहून धक्का बसेल; तेहरान सोडून पळ काढणाऱ्यांचीही लागली रांग

दरम्यान, इजरायली हल्ल्यात आतापर्यंत ईराणचे टॉप 20 लष्करी कमांडर मारले गेले आहेत. याशिवाय सुप्रिम लिडर अयातुल्लाह खामेनेई यांचेही दोन जवळचे लोक मारले गेले आहेत.

israel attacks killed 585 irani people leaving tehran long queues in road

इस्रायल आणि इराणमध्ये भयंकर युद्ध पेटले आहे. इस्रायलच्या हल्ल्यांत आतापर्यंत इराणचे ५८५ जण मारले गेले आहेत. तर १,३२६ जण जखमी झाले आहेत. अमेरिकास्थित मानवाधिकार गटाच्या माहितीनुसार, इस्रायली हल्ल्यांमध्ये २३९ इराणी नागरिक मारले गेले आहेत, तर १२६ सुरक्षा कर्मचाऱ्यांचा मृत्यू झाला आहे. बुधवारीही सकाळपासूनच दोन्ही देशांकडून हल्ले सुरू आहेत. याशिवाय आता इराणने सुपरसॉनिक क्षेपणास्त्रांचा वापरही सुरू केला आहे. महत्वाचे म्हणजे, शक्यतो इराण हल्ल्यात मृत्युमुखी पडलेल्यांची माहिती शेअर करत नाही, मात्र, त्याने सोमवारी दिलेल्या डेटानुसार, तेव्हापर्यंत एकूण २२४ जणांचा मृत्यू झाला होता. याशिवाय १२७७ जण जखमी झाले होते.

इराण-इस्रायल युद्धाला ६ दिवस झाले आहेत. अद्यापही युद्ध सुरूच आहे. सध्यातही युद्ध थांबेल असे दिसत नाही. इराणने इस्रायलची राजधानी तेल अवीवला लक्ष्य केले आहे. मात्र, त्यांनी केलेल्या हल्ल्यात इस्रायलचे फार नुकसान झालेले नाही. या उलट इराणची राजधानी तेहरानमध्ये मोठ्या प्रमाणात नुकसान झाल्याचे वृत्त आहे. एवढेच नाही तर, येथे अशी परिस्थिती निर्माण झाली आहे की, येथे राहणारे परदेशी लोक, देश सोडून जात आहेत. नव्हे, इराणी लोकही लवकरात लवकर तेहरान सोडण्याच्या तयारीत आहेत. पेट्रोल पंपांवर वाहनांच्या लांबच लांब रांगा दिसत आहेत. लोक त्यांच्या वाहनांमध्ये सामान भरून कसे तरी बाहेर पडण्याच्या तयारीत आहेत.

दरम्यान, इजरायली हल्ल्यात आतापर्यंत ईराणचे टॉप 20 लष्करी कमांडर मारले गेले आहेत. याशिवाय सुप्रिम लिडर अयातुल्लाह खामेनेई यांचेही दोन जवळचे लोक मारले गेले आहेत.

आपण इराणला अणवस्त्रे तया करण्यापासून रोखण्यासाठी हे हल्ले करत आहोत, असे इस्रायलने म्हटले आहे. महत्वाचे म्हणजे, अमेरिका आणि इराण यांच्यात अण्वस्त्र करारासंदर्भात चर्चा सुरू असतानाच इस्रायलने हल्ले सुरू केले. गेल्या आठवड्यातच अमेरिका आणि इराण यांच्यात चर्चा होणार होती. याशिवाय, आपला अणु कार्यक्रम शांतीपूर्ण असल्याचे इराणने वारंवार म्हटले आहे. मात्र तो एकमेव असा बिगर-अणु संपन्न देश आहे, ज्याने 60 टक्क्यांपर्यंत युरेनियम मिळवले आहे. अण्वस्त्र तयार करण्यासाठी युरेनियम ग्रेड लेवल 90 टक्क्यांपर्यंत असणे आवश्यक असते.