भूकंप की 'न्यूक्लियर' धमाका? इराणच्या वाळवंटातील भूगर्भीय हालचालींनी अमेरिकन गुप्तचर यंत्रणांची झोप उडाली; काय आहे सत्य?

दक्षिण इराणमध्ये ५.५ रिश्टर स्केल तीव्रतेचा भूकंप नोंदवण्यात आला आहे. जर्मन सेंटर फॉर जिओलॉजिकल रिसर्चच्या मते, भूकंप १० किलोमीटर खोलीवर झाला. या प्रदेशात वाढलेल्या लष्करी तणावाच्या पार्श्वभूमीवर, काहींनी अणुचाचणीबद्दल चिंता व्यक्त केली आहे.

दक्षिण इराणमध्ये गुरुवारी ५.५ रिश्टर स्केल तीव्रतेच्या भूकंपाची नोंद झाली असून, यामुळे स्थानिक नागरिकांमध्ये भीतीचे वातावरण पसरले आहे. 'जर्मन रिसर्च सेंटर फॉर जिओसायन्सेस'ने दिलेल्या माहितीनुसार, या भूकंपाचा केंद्रबिंदू जमिनीपासून अवघ्या १० किलोमीटर खोलीवर होता. भूकंपाची खोली कमी असल्याने त्याचे धक्के पृष्ठभागावर अधिक तीव्रतेने जाणवले.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

इराण सध्या युद्धाच्या छायेत आहे, त्यांच्यावर सातत्याने अण्वस्त्राचे आरोप केले जातात. अशा तणावपूर्ण परिस्थितीत इराणमध्ये भूकंपाचे धक्के जाणवले. दरम्यान,ही नैसर्गिक आपत्ती आहे की इराणने केलेली गुप्त 'अणुचाचणी' याबद्दल जगभरात तर्कवितर्क लढवले जात आहेत. भूकंपाची कमी खोली आणि इराणची सध्याची राजकीय स्थिती यामुळे जागतिक समुदायाची चिंता पुन्हा एकदा वाढली आहे.

अखेर भारत इस्रायलविरोधात गेलाच...! संयुक्त राष्ट्रात घेतली मोठी भूमिका, पॅलेस्टाईनच्या बाजूने मतदान

भूकंपानंतर, प्रभावित भागात घबराट पसरली आणि आपत्कालीन सेवांना सतर्क करण्यात आले. संभाव्य नुकसान आणि भूकंपानंतरच्या धक्क्यांची शक्यता लक्षात घेऊन मदत पथके सतर्क आहेत. या  परिस्थितीवर सतत लक्ष ठेवले जात असल्याची माहिती अधिकाऱ्यांनी दिली.

ही भूकंपाची घटना नैसर्गिक मानली जात असली तरी, या प्रदेशातील सध्याच्या भू-राजकीय तणावामुळे काही भागात अटकळ निर्माण झाली आहे. इराणने केलेल्या रॉकेट चाचणी आणि लष्करी हालचालींच्या अलिकडच्या अहवालांमुळे, प्रत्येक भूकंपाच्या घटनेकडे अतिरिक्त सावधगिरीने पाहिले जात आहे. इराणमध्ये जेव्हा जेव्हा भूकंप येतो तेव्हा लोक अनेकदा सोशल मीडियावर प्रश्न उपस्थित करतात की त्याचा संबंध गुप्त अणुचाचणीशी आहे का? यामुळे आता पुन्हा झालेल्या भूकंपामुळे चर्चा सुरू आहेत.

टेक्टोनिक प्लेट्सच्या हालचालीमुळे वेळोवेळी भूकंप होतात

१० किलोमीटर खोलीवर आलेला ५.५ रिश्टर स्केलचा भूकंप सामान्य भूकंपीयमध्ये येतो आणि या प्रदेशात यापूर्वीही असेच धक्के नोंदले आहेत. दक्षिण इराण हा भूकंपाच्या दृष्टीने सक्रिय प्रदेश मानला जातो, तिथे टेक्टोनिक प्लेट्सच्या हालचालीमुळे वेळोवेळी भूकंपाचे धक्के जाणवतात.

सध्या, कोणत्याही अणुचाचणी किंवा असामान्य हालचालींची अधिकृत पुष्टी झालेली नाही. जर्मन सेंटर फॉर जिओलॉजिकल रिसर्चसह आंतरराष्ट्रीय एजन्सी परिस्थितीवर लक्ष ठेवून आहेत. तणावपूर्ण प्रादेशिक परिस्थितीत झालेल्या या भूकंपामुळे सुरक्षा एजन्सी आणि नागरिक दोघांमध्येही चिंता निर्माण झाली आहे. आतापर्यंत कोणतेही मोठे नुकसान झाले नसले तरी, अधिकाऱ्यांनी लोकांना सतर्क राहण्याचे आणि अफवांकडे दुर्लक्ष करण्याचे आवाहन केले आहे.