'G-20 मध्ये सामील होणार नाही', डोनाल्ड ट्रम्प दक्षिण आफ्रिकेच्या राष्ट्राध्यक्षांवर नाराज, कारण...

Donald Trump G20 : जोहान्सबर्ग येथे 22-23 नोव्हेंबर रोजी G-20 शिखर परिषदेचे आयोजन करण्यात आले आहे.

Donald Trump G20 : दक्षिण आफ्रिकेतील जोहान्सबर्ग येथे 22-23 नोव्हेंबर रोजी होणाऱ्या G-20 शिखर परिषदेत अमेरिकेचे राष्ट्राध्यक्ष डोनाल्ड ट्रम्प सहभागी होणार नसल्याचे व्हाइट हाऊसने स्पष्ट केले आहे. अमेरिका या परिषदेत फक्त शेवटच्या दिवशी होणाऱ्या औपचारिक अध्यक्षता हस्तांतरण सोहळ्यात प्रतिनिधी पाठवणार आहे. यावर्षी परिषदेनंतर G-20 ची अध्यक्षता अमेरिकेकडे जाणार आहे.

.@PressSec: "The United States is not participating in official talks at the G20 in South Africa. I saw the South African President running his mouth a little bit against the United States and @POTUS... and that language is not appreciated by @POTUS and his team." pic.twitter.com/82sli52oRD

— Rapid Response 47 (@RapidResponse47) November 20, 2025

राष्ट्राध्यक्षांच्या वक्तव्यांमुळे नाराजी वाढली 

व्हाइट हाऊसच्या प्रवक्त्या कॅरोलिन लेविट यांनी सांगितले की, दक्षिण आफ्रिकेचे राष्ट्राध्यक्ष सिरिल रामाफोसा यांच्या अलिकडील टिप्पणीमुळे अमेरिकन प्रशासन नाराज झाले आहे. त्यामुळेच दक्षिण आफ्रिकेतील अधिकृत G-20 चर्चेत अमेरिका सहभागी होणार नाही. राष्ट्राध्यक्ष रामाफोसा यांनी अमेरिका आणि राष्ट्राध्यक्ष ट्रम्प यांच्याविषयी वापरलेली भाषा आम्हाला मान्य नाही.

रामाफोसा काय म्हणाले होते?

रामाफोसा यांनी अलिकडेच सोशल मीडियावर एक व्हिडिओ पोस्ट करत म्हटले होते की, बॉयकॉटच्या राजकारणाचा उपयोगी नाही. G-20 च्या तंबूमध्ये राहणे हे बाहेर उभे राहण्यापेक्षा नेहमीच चांगले.

DEVELOPING | President Cyril Ramaphosa says South Africa has received a notice from the United States that it has changed its mind about attending the G20 Leaders' Summit. He says the shift is a positive sign and that boycott politics never works. He adds that discussions are… pic.twitter.com/7NprwPW3zA

— SABC News (@SABCNews) November 20, 2025

अमेरिका सहभागी होणार नाही, ट्रम्प यांची घोषणा 

याच महिन्यात ट्रम्प यांनी जाहीर केले होते की, अमेरिकेचा कोणताही अधिकारी G-20 परिषदेत उपस्थित राहणार नाही. त्यांनी या बहिष्काराचे कारण दक्षिण आफ्रिकेतील गोऱ्या अल्पसंख्याक शेतकऱ्यांवर कथित हिंसा असे सांगितले होते.

ट्रम्पचे दावे आधारहीन, दक्षिण आफ्रिकेचा पलटवार 

दरम्यान, दक्षिण आफ्रिकेने ट्रम्प यांच्या आरोपांना पूर्णपणे नाकारले. रामाफोसा म्हणाले की, अमेरिकेचा हा बहिष्कार म्हणजे परिषदेनंतर अमेरिकेकडे अध्यक्षता ‘रिकामी खुर्ची’ म्हणून सुपूर्द करण्यासारखे आहे. या वक्तव्यामुळे दोन्ही देशांमध्ये परिषद सुरू होण्यापूर्वीच तणाव वाढला आहे.