'कॅनडामधून ८ लाख हिंदूंना बाहेर काढण्याची मागणी', खलिस्तानींनी काढली परेड; पंतप्रधान कार्नी यांच्याविरोधात प्रश्न

कॅनडामधील टोरंटोमधील माल्टन गुरुद्वारामध्ये हिंदूविरोधी परेड काढण्यात आली आणि हिंदूंना हद्दपार करण्याचे आवाहन करण्यात आले.

कॅनडातील टोरंटो येथून हिंदूविरोधी परेड काढण्यात आल्याची धक्कादायक घटना समोर आली आहे. कॅनडातील अलिकडच्या निवडणुकीत मार्क कार्नी विजयी होऊन पुन्हा पंतप्रधानपदाची सूत्रे हाती घेतल्याच्या वेळी ही परेड आयोजित करण्यात आली होती. यापूर्वी, जस्टिन ट्रूडो यांच्या कार्यकाळात, कॅनडाचे भारताशी संबंध सतत तणावपूर्ण होते आणि आता या परेडमुळे नवीन पंतप्रधानांच्या नेतृत्वावरही प्रश्नचिन्ह उपस्थित झाले आहे. 

विश्वास बसला नसता...! युक्रेनने समुद्री ड्रोनद्वारे रशियाचे सुखोई फायटरजेट पाडले; अमेरिकेसह सर्व देशांच्या सैन्यांना धक्का

कॅनेडियन पत्रकार डॅनियल बोर्डमन यांनी रविवारी टोरंटोमधील माल्टन गुरुद्वारामध्ये कथित "हिंदूविरोधी परेड" दाखवणारा व्हिडीओ शेअर केला. या व्हिडिओच्या निमित्ताने बोर्डमनने कॅनडाचे नवनिर्वाचित पंतप्रधान मार्क कार्नी यांच्या सरकारला सवाल केले की, ते माजी पंतप्रधान जस्टिन ट्रुडो यांच्याप्रमाणे खलिस्तानवाद्यांशी सौम्य वागतील की कठोर भूमिका घेतील?, असा सवाल केला आहे. 

सोशल मिडिया प्लॅटफॉर्म एक्स वर पोस्ट शेअर केली आहे. यामधध्ये बोर्डमन यांनी लिहिले की, "आपल्या रस्त्यावर दहशत पसरवणारे जिहादी आपल्या सामाजिक रचनेला हानी पोहोचवत आहेत आणि उघडपणे धमकावत आहेत. पण द्वेष पसरवण्याच्या या शर्यतीत खलिस्तानी देखील मागे नाहीत. मार्क कार्नी यांचा कॅनडा जस्टिन ट्रुडोच्या कॅनडापेक्षा वेगळा असेल का?"

बोर्डमन यांनी हे विधान शॉन बिंदा नावाच्या दुसऱ्या वापरकर्त्याच्या पोस्टला उत्तर देताना केले आहे, यामध्ये बिंदा यांनी दावा केला होता की माल्टन गुरुद्वारातील खलिस्तानी गटाने कॅनडामध्ये राहणाऱ्या ८ लाख हिंदूंना भारतात पाठवण्याची मागणी केली होती. त्यांनी याला खलिस्तानी दहशतवाद्यांचा "खुला हिंदूविरोधी द्वेष" असे वर्णन केले.

"८ लाख हिंदूंना भारतात पाठवण्याची मागणी"

बिंदा यांनी त्यांच्या पोस्टमध्ये लिहिले आहे की, "माल्टन गुरुद्वारा येथे के-गँगने ८ लाख हिंदूंना भारतात पाठवण्याची मागणी केली. हे हिंदू त्रिनिदाद, गयाना, सुरीनाम, जमैका, दक्षिण आफ्रिका, नेदरलँड्स, मलेशिया, श्रीलंका, सिंगापूर, केनिया आणि इतर अनेक देशांमध्ये स्थायिक आहेत. हा भारत सरकारचा निषेध नाही, हा स्पष्टपणे हिंदूंविरुद्ध द्वेष आहे.", असंही या पोस्टमध्ये लिहिले आहे.

The Jihadis rampaging through our streets have done significant damage to the social fabric running around threatening any Jews they can find.
But the Khalistanis are giving them a good run for their money on most hateful foreign funded menace to society.
Will Mark Carney’s… https://t.co/c5ZuyTI6iz

— Daniel Bordman (@DanielBordmanOG) May 4, 2025