ठळक मुद्देचीनमध्ये कोरोना नावाच्या व्हायरसने थैमान घातले आहे.व्हायरसमुळे आतापर्यंत 25 जणांचा मृत्यू झाला आहे. 830 हून अधिक जणांना या व्हायरसचा संसर्ग झाला आहे.

बीजिंग - चीनमध्येकोरोना नावाच्या व्हायरसने थैमान घातले आहे. या व्हायरसमुळे आतापर्यंत 25 जणांचा मृत्यू झाला आहे. तर 830 हून अधिक जणांना या व्हायरसचा संसर्ग झाला आहे. व्हायरसमुळे चीनने वुहान आणि हुआंगगांग ही दोन शहरे बंद करून टाकली आहेत. तेथील रहिवाशांना कारणाविना घराबाहेर पडण्यास बंदी घातली आहे. तसेच तेथील वाहतूक सेवा पूर्णपणे बंद करण्यात आली आहे. चीनमध्ये वेगाने व्हायरस पसरल्यानंतर भारत, अमेरिकासहीत अनेक देशांमध्ये व्हायरससाठी अलर्ट जारी करण्यात आला आहे. 

कोरोना व्हायरस सापातून माणसामध्ये संक्रमित झाल्याची शक्यता तेथील संशोधकांनी व्यक्त केली आहे. वुहान आणि हुआंगगांग या दोन्ही शहरांमध्ये बाहेरील लोकांना जायलाही सध्या परवानगी मिळणार नाही, असे तेथील सरकारने स्पष्ट केले आहे. या शहरांतील चित्रपटगृहे, दुकाने मॉल, बाजारपेठाही बंद ठेवण्यात आल्या आहेत. कमी कालावधीत जास्तीत जास्त लोक या आजाराने ग्रस्त होत असल्याने चीन सरकारकडून अलर्ट जारी करण्यात आला आहे. कोरोनाच्या संसर्गामुळे बळी गेलेल्यांमध्ये बहुतांश नागरिक वुहान व हुआंगगांग या शहरांतील असल्याने तेथील परिस्थितीवर चीन तसेच जागतिक आरोग्य संघटनेचे अधिकारी बारीक लक्ष ठेवून आहेत.या शहरांत आवश्यकता असेल तरच जावे, अशी सूचना भारताने आपल्या नागरिकांना केली आहे. मात्र त्या शहरांत बाहेरील लोकांना तूर्त जाता येणार नाही.

चीनचे राष्ट्रपती शी जिनपिंग यांनी या व्हायरसवर कंट्रोल मिळवण्याचे आदेश दिले आहेत. व्हायरसचा धोका टाळण्यासाठी सरकारकडून विविध प्रयत्न सुरू आहेत. शी जिनपिंग यांनी 'वुहान आणि इतर ठिकाणांवर नुकत्याच झालेल्या नवीन कोरोना व्हायरस न्यूमोनियाची दखल गंभीरतेने घेणे गरजेचे आहे. सर्व सरकारी कार्यालये, दवाखाने संबंधित विभागांनी लोकांच्या चांगल्या आरोग्यासाठी प्राधान्य द्यायला हवं' असं म्हटलं आहे. लॉस एन्जेलिस टाइम्सच्या वृत्तानूसार, चीननंतर हा घातक व्हायरसने  थायलॅंड आणि जपानमध्येही आपले पाय पसरले आहेत. वर्ल्ड हेल्थ ऑर्गनायझेशनच्या एका रिपोर्टनुसार, हा व्हायरस वेगाने पसरत आहे आणि अनेकांचा जीव गेला आहे. एका इंग्रजी वेबसाईटने याबाबतचे वृत्त दिले आहे. 

चीनसोबतच भारत सरकारनेही कोरोना व्हायरसबाबत दुजोरा दिला आहे. भारतात हा व्हायरस पसरू नये यासाठी एअरपोर्टवर प्रवाशांची मेडिकल टेस्ट केली जात आहे. यूएस नॅशनल लायब्ररी ऑफ मेडिसिननुसार, Severe acute respiratory syndrome किंवा SARS निमोनियाचं घातक रूप आहे. थायलँड आणि जपानमध्येही कोरोन वायरसची तीन प्रकरणे पुढे आली आहेत. साउथ कोरियामध्येही या व्हायरसचा पहिला रुग्ण आढळून आला आहे. 35 वर्षाची चीनी महिला वुहानमधून सियोलला आली होती. अमेरिकेतील विमानतळावरही चीनमधून येणाऱ्या पर्यटकांची कसून तपासणी करण्यात येत आहे. 

महत्त्वाच्या बातम्या 

Ind vs NZ, 1st T20 Live : भारताला पहिला धक्का, रोहित शर्मा आऊट

Maharashtra Bandh Live: वंचित आघाडीच्या मोर्चावर पोलिसांचा लाठीहल्ला; अमरावतीत प्रचंड तणाव  

'मोटा भाई-छोटा भाईच्या तोंडी हिटलरची भाषा', मुख्यमंत्र्यांचा हल्लाबोल

'पोहे खाण्याच्या पद्धतीवरून बांगलादेशींना ओळखलं', भाजपा नेत्याचं अजब विधान

'कानाला आताच त्रास होतो आहे का?'; मशिदीवरील भोंगे हटविण्यावरुन राज ठाकरेंवर निशाणा

 

Web Title: came from snakes and bats into human coronavirus killed 25 other 830 affected

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.