बीएलएने पाकिस्तानच्या ७ सैनिकांना पकडले, सुटकेसाठी ठेवली अशी अट  

BLA Captured 7 Pakistani Soldiers: गेल्या काही काळापासून पाकिस्तानमधील बलूचिस्तान प्रांतामध्ये बलूच लिबरेशन आर्मीने (BLA) आपल्या कारवायांच्या माध्यमातून पाकिस्तानी सैन्य आणि पाकिस्तानी सरकारची झोप उडवली आहे.

गेल्या काही काळापासून पाकिस्तानमधील बलूचिस्तान प्रांतामध्ये बलूच लिबरेशन आर्मीने (BLA) आपल्या कारवायांच्या माध्यमातून पाकिस्तानी सैन्य आणि पाकिस्तानी सरकारची झोप उडवली आहे. आता बीएलएने पाकिस्तानच्या ७ सैनिकांना पकडे असून, त्यांच्या सुटकेसाठी कैद्यांची अदलाबदली करण्यासाठी ७ दिवसांची मुदत दिली आहे.

याबाबत अधिक माहिती देताना बीएलएची मीडिया विंग असलेल्या हक्कालकडून एक पत्रक प्रसिद्ध करण्यात आले आहे. त्यामध्ये बीएलएचा प्रवक्ता जीयंद बलोच याने दावा केला की, ऑपरेशन हेरॉफच्या दुसऱ्या टप्प्यात १७ पाकिस्तानी सैनिकांना ताब्यात घेण्यात आले होते. त्यापैकी १० जणांची सुटका करण्यत आली आहे. सुटका करण्यात आलेले लोक हे बलूच होते. तसेच ते स्थानिक पोलिसांशी संबंधित होते.

बीएलएनेने या सैनिकांना ऑपरेशन हेरॉफ २.० दरम्यान, पकडले होते. दरम्यान, बीएलएने या सैनिकांच्या सुटकेसाठी पाकिस्तान सरकारला सात दिवसांची मुदत दिली आहे. पाकिस्तान सरकारने कैद्यांच्या अदलाबदलीसाठी औपचारिक सहमती दर्शवत बलूच कैद्यांना सोडण्याची तयारी दर्शवली, तर या सैनिकांची सुटका केली जाईल, असे बीएलएने म्हटले आहे. मात्र याआधी दिलेल्या अशा प्रस्तावांवर पाकिस्तानी सरकारने फारसं गांभीर्य दाखवलं नाही. तसेच आपल्या सैनिकांच्या जीविताला प्राधान्य दिलं नाही, असा आरोपही बीएलएने केला.