इराणने अयातुल्ला खामेनेईंचे शोक समारंभ ढकलले पुढे; तेहरानमध्ये मोठी गर्दी होण्याची शक्यता, सुरक्षेच्या कारणास्तव निर्णय

Ayatollah Khamenei Funeral: इराणचे सर्वोच्च नेते अयातुल्ला अली खामेनेई यांच्या अंत्यसंस्काराची तयारी मशहद शहरात सुरू आहे. तेहरानमध्ये ३ दिवसांचा निरोप सोहळा पार पडणार आहे. इराण-अमेरिका युद्धाचे ताजे अपडेट्स.

तेहरान: इराणचे सर्वोच्च नेते अयातुल्ला अली खामेनेईं यांच्या मृत्यूनंतर आयोजित केले जाणारे तीन दिवसांचे शोक समारंभ आणि अंत्यसंस्काराचे कार्यक्रम तुर्तास स्थगित करण्यात आले आहेत. इराणच्या सरकारी टेलिव्हिजनने एका वरिष्ठ अधिकाऱ्याच्या हवाल्याने ही माहिती दिली आहे. बुधवारी सुरू होणारे हे कार्यक्रम आता पुढील सूचना मिळेपर्यंत लांबणीवर पडले आहेत.

खामेनेईंच्या अंतिम दर्शनासाठी इराणसह जगभरातून लाखो अनुयायी तेहरानमध्ये येण्याची शक्यता आहे. एवढ्या मोठ्या जनसमुदायाचे व्यवस्थापन करण्यासाठी आणि कोणतीही चेंगराचेंगरी किंवा अनुचित प्रकार टाळण्यासाठी प्रशासनाला अधिक वेळ हवा आहे.

अमेरिका आणि इस्रायलसोबत सुरू असलेल्या युद्धाच्या पार्श्वभूमीवर, अशा मोठ्या सार्वजनिक कार्यक्रमांवर हवाई हल्ल्याचा धोका असू शकतो. त्यामुळे कडक सुरक्षा प्रोटोकॉल तयार करण्यासाठी हा निर्णय घेण्यात आला असावा, असा अंदाज वर्तवण्यात येत आहे.

मूळ नियोजनानुसार, तेहरानमधील प्रसिद्ध 'इमाम खोमेनी प्रेयर हॉल'मध्ये तीन दिवस पार्थिव दर्शनासाठी ठेवले जाणार होते. मात्र, आता नवीन तारखांची घोषणा नंतर केली जाईल.

इराणमधील सद्यस्थितीजरी अधिकृत शोक समारंभ पुढे ढकलले असले, तरी संपूर्ण इराणमध्ये तयारी युद्धपातळीवर सुरू आहे. खामेनेईंच्या जागी आता नवीन नेतृत्वाची (मुजतबा खामेनेईं) निवड झाली असली, तरी देशातील भावनिक वातावरण अजूनही तणावपूर्ण आहे.

अंत्यसंस्काराचे नियोजन आणि महत्त्वाचे तपशील:दफनविधीसाठी मशहदला नेण्यापूर्वी राजधानी तेहरानमध्ये एक निरोप समारंभ आयोजित केला जाईल. 'इमाम खुमैनी मशिदी'मध्ये सलग तीन दिवस हा विदाई सोहळा चालेल. मशहद हे इराणमधील दुसरे मोठे शहर आणि शिया इस्लामचे प्रमुख तीर्थस्थळ आहे. खामेनेई यांच्या वडिलांनाही याच ठिकाणी दफन करण्यात आले होते. रिपोर्ट्सनुसार, इराणच्या स्थानिक वेळेनुसार बुधवारी रात्री १० वाजल्यापासून अंत्यसंस्काराची प्राथमिक प्रक्रिया सुरू करण्यात आली आहे. खामेनेई हे ८६ वर्षांचे होते आणि त्यांनी ३६ वर्षे इराणचे सर्वोच्च नेते म्हणून कार्यभार सांभाळला. संरक्षण, अर्थव्यवस्था आणि परराष्ट्र धोरणांवर त्यांची अंतिम पकड होती.