इराणवर मोठ्या हल्ल्याची अमेरिकेकडून तयारी, उभय देशांमधील चर्चा निष्फळ, ट्रम्प झाले आक्रमक

USA Preparing For A Major Attack on Iran: इराणने आपला अणू कार्यक्रम व आंतरखंडीय क्षेपणास्त्र निर्मिती मर्यादित ठेवण्याबाबत नकार दिल्याने पश्चिम आशियातील परिस्थिती चिघळली आहे. दोन दिवसांपूर्वी अमेरिका व इराणमधील प्राथमिक चर्चा निष्फळ ठरल्यानंतर अमेरिकेने इराणवर हल्ले करण्याची धमकी दिली आहे.

वॉशिंग्टन  - इराणने आपला अणू कार्यक्रम व आंतरखंडीय क्षेपणास्त्र निर्मिती मर्यादित ठेवण्याबाबत नकार दिल्याने पश्चिम आशियातील परिस्थिती चिघळली आहे. दोन दिवसांपूर्वी अमेरिका व इराणमधील प्राथमिक चर्चा निष्फळ ठरल्यानंतर अमेरिकेने इराणवर हल्ले करण्याची धमकी दिली आहे.अमेरिकेचे राष्ट्राध्यक्ष डोनाल्ड ट्रम्प यांनी आपल्या ट्रूथ सोशल या वेबसाइटवर इराणने आपला अणू कार्यक्रम सोडून द्या, अन्यथा गेल्या हल्ल्यापेक्षा अधिक संहारक हल्ल्याला सामोरे जावे, अशी धमकी दिली आहे. 

अमेरिकेची संभाव्य रणनीती
इराणचे बडे नेते आणि आंदोलकांच्या हत्येस जबाबदार असलेल्या सुरक्षा अधिकाऱ्यांवर हवाई हल्ल्यांचा विचार ट्रम्प सध्या करत आहेत.तसेच युरेनियम संवर्धन कायमची बंद करण्यासाठी इराणची अणुकेंद्रे आणि सरकारी संस्थांवरही हल्ले करण्याचे पर्याय अमेरिकेपुढे आहेत. हिंदी महासागरात अमेरिकेची विमानवाहू युद्धनौका दाखल झाल्यामुळे अमेरिकेचे लष्करी पर्याय  भक्कम झाले आहेत.अमेरिकेने या भागात ‘पॅट्रियट’ व ‘थाड’ क्षेपणास्त्र संरक्षण प्रणाली तैनातीस  सुरुवात केली आहे. अमेरिकेचे हवाई दल पश्चिम आशियात काही दिवस सराव करणार आहे.