America Iran: अमेरिकेचा इराणमध्ये घुसून हल्ला! अनेक अणुऊर्जा केंद्रावर टाकले बॉम्ब; ट्रम्प म्हणाले, "आता..."
By ऑनलाइन लोकमत | Updated: June 22, 2025 06:19 IST2025-06-22T06:13:45+5:302025-06-22T06:19:06+5:30
America Strikes In Iran: इराण-इस्रायलमध्ये सुरू असलेल्या संघर्षात आता अमेरिकेने उडी घेतली आहे. अमेरिकेने इराणच्या अणुऊर्जा केंद्रांना लक्ष्य करत हवाई हल्ले केला. अमेरिकेचे अध्यक्ष डोनाल्ड ट्रम्प यांनी याची माहिती दिली.
America Iran: अमेरिकेचा इराणमध्ये घुसून हल्ला! अनेक अणुऊर्जा केंद्रावर टाकले बॉम्ब; ट्रम्प म्हणाले, "आता..."
America Air Strikes In Iran: गेल्या काही दिवसांपासून व्यक्त केली जात असलेली शक्यता खरी ठरली. इस्रायलइराण संघर्षात अमेरिकेने उडी घेतली आहे. अमेरिकेने इराणमध्ये घुसून हल्ले केला. इराणच्या तीन अणुऊर्जा केंद्रांवर अमेरिकेच्या लष्कराने बॉम्ब वर्षाव केला. अमेरिकेच्या इराणविरोधातील मोहिमेची अध्यक्ष डोनाल्ड ट्रम्प यांनी माहिती दिली.
अमेरिकेचे राष्ट्राध्यक्ष डोनाल्ड ट्रम्प यांनी ट्रूथ सोशल मीडिया प्लॅटफॉर्मवरून याची माहिती दिली. अमेरिकेने इराणच्या फोर्डो, नतांज आणि इस्फहान या तीन ठिकाणच्या अणुऊर्जा केंद्रांवर हल्ले केले आहेत. हवाई दलाने इराणमधील अणुऊर्जा केंद्रावर बॉम्बेचा वर्षाव केला.
अमेरिकेची लढाऊ विमाने सुरक्षित, ट्रम्प यांनी काय सांगितले?
राष्ट्राध्यक्ष डोनाल्ड ट्रम्प म्हणाले, "आम्ही इराणच्या तीन अणुऊर्जा केंद्रांवर यशस्वीपणे हल्ले पूर्ण केला आहे. यात फोर्डो, नतांज आणि इस्फहान यांचा समावेश आहे. सर्व विमाने आता इराणच्या हवाई हद्दीतून बाहेर आली आहेत."
"मुख्य ठिकाण फोर्डोवर बॉम्बेचा पेलोड (एकाच वेळी अनेक बॉम्ब) टाकण्यात आला. आता सर्व विमान सुरक्षितपणे घरच्या दिशेने जात आहे. अमेरिकेच्या महान यौद्ध्यांचे अभिनंदन. अशी कारवाई करू शकेल असे सैन्य जगात कुठेही नाही. आता शांतता प्रस्थापित करण्याची वेळ आली आहे. या मुद्द्यांकडे तुम्ही लक्ष्य दिलंत त्याबद्दल आभार", असे डोनाल्ड ट्रम्प यांनी म्हटले आहे.
— Donald J. Trump (@realDonaldTrump) June 21, 2025
इराणवर केलेल्या हवाई हल्ल्यानंतर अमेरिकेकडून सावधगिरी बाळगण्यात येत आहे. अमेरिकेने तीन अणुऊर्जा केंद्रांवर बी२ बॉम्बर्सने बॉम्ब टाकले आहेत. अमेरिकेने त्यांच्या पश्चिम आशियातील सर्वच लष्करी तळांना अलर्ट राहण्यास सांगितले आहे.