Video: हातात बेड्या, जमिनीवर फेकले अन्...अमेरिकेत भारतीय विद्यार्थ्यासोबत अमानुष वागणूक

America Immigration Policy: व्हिडिओ व्हायरल झाल्यानंतर अमेरिकेत राहणाऱ्या भारतीयांनी तीव्र संताप व्यक्त केला.

America Immigration Policy: अमेरिकेतील न्यूयॉर्क विमानतळावर एका भारतीय विद्यार्थ्याला बेड्या घालून जमिनीवर पाडल्याचा व्हिडिओ सोशल मीडिया आणि बातम्यांमधून व्हायरल होत आहे. या घटनेमुळे अमेरिकेत भारतीयांविरुद्ध वाढत्या भेदभावावर प्रश्नचिन्ह उपस्थित होत आहेत. याप्रकरणी भारतीय दूतावास हस्तक्षेप करत आहे. 

मिळालेल्या माहितीनुसार, गेल्या काही दिवसांपासून अमेरिकेत इमिग्रेशन धोरणाच्या निषेधार्थ लोक रस्त्यावर उतरले आहेत. लॉस एंजेलिसमध्ये झालेल्या हिंसक निदर्शनांनी अमेरिकेला हादरवून सोडले आहे. यादरम्यान, न्यूयॉर्क विमानतळावर एका भारतीय विद्यार्थ्याला दिलेल्या अमानुष वागणुकीचा व्हिडिओ सध्या व्हायरल होत आहे. 

संबंधित विद्यार्थ्याला बेड्या घालून जमिनीवर फेकण्यात आले आले आहे. भारतीय वंशाचे अमेरिकन व्यापारी कुणाल जैन यांनी रविवारी सोशल मीडियावर हा व्हिडिओ शेअर केला. या व्हिडिओमध्ये त्यांनी भारतीय दूतावासाला हस्तक्षेप करण्याची मागणीही केली आहे. 

This poor kids parent won’t know what’s happening to him. @IndianEmbassyUS@DrSJaishankar he was to be boarded last night in the same flight with me but he never got boarded. Someone needs to find out what’s going on with him at New Jersey authorities. I found him disoriented. pic.twitter.com/kpMiy9Trsp

— Kunal Jain (@SONOFINDIA) June 8, 2025

जैन यांनी आपल्या पोस्टमद्ये भारतीय दूतावास, अमेरिका आणि भारताचे परराष्ट्र मंत्री एस. जयशंकर यांना या प्रकरणात हस्तक्षेप करण्याची विनंती केली आहे. त्यांनी लिहिले - या विद्यार्थ्यासोबत काय होत आहे, ते कोणीतरी शोधून काढावे. असे प्रकार दररोज समोर येत आहेत. व्हिडिओ समोर आल्यानंतर भारतीय दूतावास या प्रकरणात सक्रिय झाला आहे.

भारतीय दूतावासाने या घटनेवर म्हटले की, आमच्याकडे भारतीय विद्यार्थ्याला दिलेल्या अमानुष वागणुकीचा व्हिडिओ आला आहे. आम्ही या संदर्भात स्थानिक अधिकाऱ्यांच्या संपर्कात आहोत. भारतीय नागरिकांच्या कल्याणासाठी दूतावास नेहमीच वचनबद्ध आहे. दरम्यान, व्हिडिओ व्हायरल झाल्यानंतर अमेरिकेत राहणाऱ्या भारतीयांनी यावर तीव्र संताप व्यक्त केला आहे.