Air India Fuel Switch Issue: रविवारी लंडनहून भारतासाठी उड्डाण केलेल्या बोईंग ७८७ ड्रीमलाइनर विमानाच्या फ्युएल-स्विच बिघाड घटनेबाबत इंग्लंडच्या एव्हिएशन अथॉरिटीने (CAA) एअर इंडियाकडून स्पष्टीकरण मागितले आहे. विमानाने रविवारी लंडनहून भारतासाठी उड्डाण केले होते, परंतु आगमनानंतर सुरक्षा तपासणीसाठी ते ग्राउंड करण्यात आले होते. एअर इंडियाला लिहिलेल्या पत्रात, सीएएने विचारले आहे की जर फ्युएल कंट्रोल स्विचमध्ये बिघाड झाल्याचा संशय आला तर विमानाला उड्डाण करण्याची परवानगी कशी देण्यात आली. ब्रिटिश नियामकाने इशारा दिला आहे की जर एका आठवड्यात पूर्ण आणि समाधानकारक प्रतिसाद मिळाला नाही तर एअर इंडिया आणि त्यांच्या बोईंग ७८७ विमानांवर कारवाई होऊ शकते.
संपूर्ण प्रकरण काय आहे?
एअर इंडियाने फ्युएल स्विचची पुन्हा तपासणी केली आहे आणि त्यात कोणताही दोष आढळला नाही असे म्हटले आहे. एअरलाइनने आश्वासन दिले आहे की ते यूके नियामकांना अपेक्षित आणि योग्य प्रतिसाद देतील. भारताच्या नागरी विमान वाहतूक नियामकाच्या मते, लंडनमध्ये इंजिन सुरू करताना फ्युएल कंट्रोल स्विच दोनदा रन पोझिशनमध्ये योग्यरित्या लॉक झाला नाही, परंतु तिसऱ्यांदा तो दुरुस्त करण्यात आला. त्यानंतर पायलटने भारतात उड्डाण करण्याचा निर्णय घेतला. त्यानंतरच्या तपासणीत स्विच चांगल्या स्थितीत असल्याचे आढळून आले.
सीएएने एअर इंडियाकडून विमानाच्या देखभालीची माहिती, समस्येचे मूळ कारण (root cause analysis) आणि भविष्यात अशा घटना टाळण्यासाठी उपाययोजनांबाबत संपूर्ण माहिती मागितली आहे. एअर इंडियाने असेही म्हटले आहे की त्यांनी त्यांच्या सर्व ३३ बोईंग ७८७ विमानांवरील फ्युएल स्विचची तपासणी केली गेली आहे आणि त्यापैकी कोणत्याही विमानात कोणतीही समस्या आढळली नाही.
विमानात २०० प्रवासी
रविवारी हे विमान लंडनच्या हीथ्रो विमानतळावरून बेंगळुरूला पोहोचले. आगमनानंतर, सुरक्षा तपासणीसाठी ते ग्राउंड करण्यात आले. लँडिंग दरम्यान विमानाच्या इंधन नियंत्रण स्विच (FCS) मध्ये संभाव्य बिघाड झाल्याची तक्रार पायलटने केली. विमानात २०० प्रवासी होते. एअर इंडियाकडे सध्या ३३ बोईंग ७८७ विमाने आहेत, त्यापैकी २८ सध्या कार्यरत आहेत.
Web Summary : UK aviation authority questions Air India for allowing flight despite suspected fuel switch issue. Post-arrival, the Boeing 787 was grounded for inspection. Air India claims no fault found, promising full cooperation. CAA demands maintenance details and preventative measures. 200 passengers were onboard.
Web Summary : ईंधन स्विच मुद्दे के संदेह के बावजूद उड़ान की अनुमति देने पर यूके विमानन प्राधिकरण ने एयर इंडिया से पूछताछ की। बोइंग 787 निरीक्षण के लिए ग्राउंडेड किया गया। एयर इंडिया का दावा है कि कोई गलती नहीं मिली, पूर्ण सहयोग का वादा किया। सीएए ने रखरखाव विवरण और निवारक उपाय मांगे। विमान में 200 यात्री थे।