इस्रायलनंतर, युएई हा शत्रू क्रमांक २! इराणच्या माजी परराष्ट्रमंत्र्यांचा एक मेसेज झाला लीक

इराणचे माजी परराष्ट्र मंत्री मोहम्मद जावेद जरीफ यांच्याशी संबंधित लीक झालेल्या संदेशांमध्ये अमेरिका, इस्रायल आणि युएईवर हल्ले करण्याची शिफारस करण्यात आली आहे. जरीफ यांनी धोरणात्मक लक्ष्यांवर लक्ष केंद्रित करण्याचा आणि संपूर्ण प्रदेशातील हल्ले टाळण्याचा सल्ला दिला आहे.

इराणचे माजी परराष्ट्र मंत्री मोहम्मद जावेद जरीफ यांचे कथित लीक झालेले संदेश समोर आले आहेत, यामध्ये त्यांनी अमेरिका, इस्रायल आणि युएईवर हल्ले करण्याची शिफारस केली आहे. एका खाजगी टेलिग्राम ग्रुपमधून लीक झालेल्या या संदेशांमध्ये जरीफ यांनी इराणच्या रणनीतीबाबत अनेक महत्वाची विधाने केली आहेत.

मध्य पूर्वेतील युद्धातच कतारचा मोठा निर्णय; पाकिस्तानच्या उंबरठ्यावर उभं राहिलं नवं संकट

आपल्या मेसेजमध्ये, झरीफ यांनी स्पष्टपणे सांगितले की, युएई आणि इस्रायल एकसारखेच आहेत. इराणने अमेरिकन आणि इस्रायली लक्ष्यांवर हल्ला करावा, यामध्ये अमेरिकन नौदल जहाजे आणि महत्त्वाच्या इस्रायली हितसंबंधांचा समावेश आहे. सौदी अरेबिया आणि बहरीनमधील पुलाला खऱ्या अर्थाने प्रतिबंध निर्माण करण्यासाठी लक्ष्य केले पाहिजे, असेही त्यांनी यामध्ये म्हटले आहे.

माजी परराष्ट्रमंत्र्यांनी लिहिले की, इराणने प्रादेशिक हल्ले टाळावेत आणि केवळ धोरणात्मक प्रभाव असलेल्या विशिष्ट लक्ष्यांवर लक्ष केंद्रित करावे. वॉशिंग्टनने सन्माननीय बाहेर पडावे आणि मध्यस्थी प्रस्ताव नाकारू नये.

अमेरिकेचे राष्ट्राध्यक्ष डोनाल्ड ट्रम्प यांचा उल्लेख करताना झरीफ म्हणाले की, ते दीर्घकालीन, तांत्रिक योजनांसाठी धीर धरणारे व्यक्ती नाहीत, त्यामुळे प्रतीकात्मक हावभाव अधिक प्रभावी असू शकतात. त्यांनी युद्ध थांबवण्यासाठी आणि ट्रम्प यांना विजयाची भावना देण्यासाठी अनेक प्रतीकात्मक पावले सुचवली होती, परंतु त्या प्रस्तावांचा आढावाही घेण्यात आला नाही.

चिनी भविष्यवेत्त्यांचा उल्लेख आणि क्वांटम इफेक्ट

या मेसेजमध्ये झरीफ यांनी धार्मिक आवाहने आणि कट रचण्याचे दावे देखील केले. त्यांनी लिहिले की, एका चिनी भविष्यवेत्त्याने भाकीत केल्याप्रमाणे ट्रम्प यांच्या पराभवासाठी प्रार्थना केली पाहिजे. ट्रम्प आणि नेतन्याहू यांच्या सैतानी योजना संपवण्यासाठी वारंवार प्रार्थना केल्या पाहिजेत असेही त्यांनी म्हटले.