औंढा तालुक्यात ३९ ग्रामपंचायतींनी १६१ कामे, वसमत-४८ ग्रा.पं.नी १५१ कामे, हिंगोली- ५९ ग्रा.पं.नी १६१ कामे, कळमनुरी- ३६ ग्रा.पं.नी ९९ तर सेनगाव- २७ ग्रा.पं.नी ८० कामे सुरू केली आहेत. या कामांवर औंढा- २१२२, वसमत- १८१७, हिंगोली- २३४५, कळमनुरी- १०९२, सेनगाव तालुक्यात १०३३ अशी मजुरांची उपस्थिती आहे. जिल्ह्यात मागील काही काळात पहिल्यांदाच सुरू असलेल्या मस्टरची संख्या ६५२ वर पोहोचली आहे. त्यामुळे मजुरांच्या हाताला काम मिळाले आहे. मात्र, दरवर्षीप्रमाणे यंदाही कामे वेळेत सुरू न झाल्याने अनेक मजुरांनी आपला डेरा इतर जिल्ह्यांत हलविला आहे. त्यामुळे अजूनही मोठ्या प्रमाणात मजूर उपलब्ध होणे शक्य असताना त्या तुलनेत दिसत नाहीत. जी कामे सुरू झाली, त्यावरून मात्र प्रशासन आता या कामांकडे गांभीर्याने पहात असल्याचे दिसून येत आहे.
वैयक्तिक लाभाची देणी चुकती
मग्रारोहयोत अनेक वैयक्तिक लाभाच्या योजनांतील लाभार्थ्यांची रक्कम अडकून पडली होती. मात्र, यंदा यासाठी मोठ्या प्रमाणात निधी उपलब्ध झाल्याने आता ५० लाखांपर्यंतचेच शासनाकडून येणे आहे. कोट्यवधीत अडकलेली ही रक्कम पहिल्यांदाच वेळेत मिळत आहे. तर सार्वजनिक योजनांचा निधी रखडून पडल्याचे दिसत आहे. ५ ते ६ कोटी रुपयांचे शासनाकडून येणे बाकी आहे. ही रक्कम कधी मिळणार, याची प्रतीक्षा ग्रामपंचायती व यंत्रणांना आहे.