डिकीतून ३० हजार रुपये लांबविले

केतून पैसे काढून दुचाकीच्या डिकीत ठेवून दुकानाकडे जाताना चोरट्यांनी ३० हजार रुपये लांबविले. ही घटना वसमत येथे शनिवारी सायंकाळी ५ वाजेच्या सुमारास घडली.

लोकमत न्यूज नेटवर्क
वसमत : बँकेतून पैसे काढून दुचाकीच्या डिकीत ठेवून दुकानाकडे जाताना चोरट्यांनी ३० हजार रुपये लांबविले. ही घटना वसमत येथे शनिवारी सायंकाळी ५ वाजेच्या सुमारास घडली. वसमत येथील चेतन सारडा यांच्या दुचाकीच्या डिकीमध्ये ३० हजार रूपये होते. वसमत शहरातील युनियन बँक परिसरात पाळत ठेवून असलेल्या चोरट्यांनी सारडा यांच्या दुचाकीच्या डिकीतील नजर चुकवून तीस हजार रुपये लंपास केले. याप्रकरणी सारडा यांनी दिलेल्या तक्रारीवरून अज्ञात चोरट्याविरोधात गुन्हा दाखल केला. तपास जमादार चव्हाण करत आहेत. जिल्ह्यात दिवसेंदिवस बँक परिसरात पाळत ठेऊन रोकड लंपास केल्याच्या घटनेत वाढ होत आहे.
गुंडा येथे अल्पवयीन मुलीचा नियभंग
हट्टा : वसमत तालुक्यातील गुंडा येथे १७ आॅगस्ट रोजी अल्पवयीन मुलीचा विनयभंग झाल्याची घटना घडली. याप्रकरणी आरोपीविरूद्ध गुन्हा दाखल करण्यात आला आहे.
वसमत तालुक्यातील गुंडा येथे अल्पवयीन मुलगी आरोपीच्या घरी स्वयंपाक करीत होती. स्वयंपाक आटोपून मुलगी घराकडे जात असताना आरोपीने सदर मुलीचा विनयभंग केला.
याप्रकरणी आरोपी उत्तम संतराम थोरात (रा.गुंडा) याच्याविरूद्ध हट्टा पोलीस ठाण्यात विनयभंगाचा गुन्हा दाखल करण्यात आला आहे. आरोपीस अटक करण्यात आल्याची माहिती पोलिसांनी दिली.