अशाप्रकारे रोखा युरिनरी ट्रॅक इन्फेक्शन म्हणजेच मुत्रमार्गाचा संसर्ग, हे उपाय देतील तात्काळ आराम

युरिनरी ट्रॅक्ट इन्फेक्शनपासून मुक्ती मिळवण्यासाठी काही घरगुती उपाय तुम्हाला उपयोगी पडू शकतात.

युरिनरी ट्रॅक्ट इन्फेक्शन म्हणजेच यूटीआय इन्फेक्शन कोणालाही होऊ शकते. परंतु युरिनरी ट्रॅक्ट इन्फेक्शनची तक्रार महिलांमध्ये सर्वाधिक दिसून येते. खरं तर, स्त्रियांच्या मूत्रमार्गाची लांबी पुरुषांच्या मूत्रमार्गापेक्षा कमी असते. त्यामुळे लवकर बॅक्टेरियाचा संसर्ग होतो. मूत्रमार्गाचा संसर्ग बहुतेकदा अशा लोकांना होतो जे स्वच्छतेची अजिबात काळजी घेत नाहीत. जर तुम्ही घाणेरडे टॉयलेट वापरले असेल किंवा घाणेरडे पाणी वापरले असेल तर युरिनरी ट्रॅक्ट इन्फेक्शन होण्याची शक्यता वाढते. या बाजूने काळजी घेतली तर ते फार धोकादायक ठरू शकते. युरिनरी ट्रॅक्ट इन्फेक्शनपासून मुक्ती मिळवण्यासाठी काही घरगुती उपाय तुम्हाला उपयोगी पडू शकतात.

UTI ची लक्षणे

- लघवी करताना जळजळ जाणवणे.

- वारंवार लघवी होणे.

- लघवीचा रंग गडद होणे.

- लघवीला खूप वास येतो.

- लघवी करताना अडथळा जाणवणे.

युरिनरी ट्रॅक्ट इन्फेक्शनवर उपाय

भरपूर द्रव प्या
हेल्थ लाईननुसार, मूत्रमार्गाच्या संसर्गापासून बचाव करण्यासाठी अधिकाधिक द्रव पदार्थ प्या. यामुळे लघवी निघण्यास मदत होईल. जर तुमच्या शरीरात पाण्याची कमतरता असेल तर लघवीही जाणार नाही. त्यामुळे संसर्ग अधिक पसरण्याची भीती आहे.

आहारात व्हिटॅमिन सीचा समावेश करा
व्हिटॅमिन सीमध्ये मूत्रमार्गाच्या संसर्गापासून बचाव करण्याची क्षमता असते. व्हिटॅमिन सी मूत्रात आम्ल वाढवते आणि संक्रमणास कारणीभूत जंतू नष्ट करते. संत्री, द्राक्ष, लिंबू, मोसमी, टोमॅटो, किवी यांचे सेवन करणे फायदेशीर ठरू शकते. गरोदरपणात महिलांनी व्हिटॅमिन सी युक्त अन्नाचे सेवन करावे.

क्रॅनबेरी रस प्या
क्रॅनबेरीचा रस मूत्रमार्गात होणारे संक्रमण रोखण्यासाठी खूप प्रभावी ठरू शकतो. त्याचा दररोज आहारात समावेश केला पाहिजे.