Moong Sprouts Breakfast : मोड आलेल्या कडधान्यांमध्ये भरपूर पोषक तत्व असतात. अशात त्यांचं नियमितपणे सेवन करणं आरोग्यासाठी फार फायदेशीर ठरतं. एक्सपर्ट्सनुसार, जर तुम्ही रोज सकाळी नाश्त्यात मोड आलेले कडधान्य खाल तर शरीराला खूप फायदे मिळतील. पोटासाठी हे खूप फायदेशीर असतात आणि यामुळे अनेक गंभीर आजारांचा धोकाही कमी होतो. मोड आलेले कडधान्य सुपरफूड मानले जातात जे तुम्ही दिवसभर एनर्जी वाढवण्यास मदत करतात.
एनसीबीआयनुसार, मोड आलेल्या कडधान्यांमध्ये वेगवेगळे व्हिटॅमिन्स, अ‍ॅंटी-ऑक्सिडेंट्स, कॅल्शिअम, फॉस्फोरस, मॅग्नेशिअम, आयर्न आणि झिंक भरपूर प्रमाणात असतं. अशात जाणून घेऊया सकाळी नाश्त्यात मोड आलेले मूग खाण्याचे फायदे...
पोषणाचा खजिना मूग
मूग फार पौष्टिक मानले जातात. कारण यात व्हिटॅमिन ए, बी, सी आणि ई चं प्रमाण अधिक असतं. सोबतच पोटॅशिअम, आयर्न, कॅल्शिअमही मूगात आढळतात. याचे सेवन केल्यास शरीरात कॅलरीज वाढत नाहीत. जर मोड आलेल्या मुगाचे सेवन केल्यास शरीरात केवळ 30 कॅलरी आणि 1 ग्रॅम फॅट पोहोचतात.
मोड आलेल्या मूगात मॅग्नेशिअम, कॉपर, फोलेट, रायबोफ्लेविन, व्हिटॅमिन, व्हिटॅमिन सी, फायबर, पोटॅशिअम यांसारखे आणखीही काही खास पौष्टिक तत्व आढळतात. यात भरपूर प्रमाणात एमिनो अ‍ॅसिड आणि पॉलिफेनॉल्ससारखे तत्व आढळतात. याचे अनेक फायदे आपल्या शरीराला होतात.
1) ब्लड ग्लूकोज होतं कमी
मोड आलेले मूग खाल्यास शरीरात इन्सुलिन लेव्हल वाढण्यात मदत मिळते. यासोबतच याने ब्लड ग्लूकोजही कंट्रोलमध्ये राहतं. याने डायबिटीसची समस्या कमी करण्यास मदत होते.
2) रोगप्रतिकार शक्ती वाढते
मूगातील काही पोषक तत्वांमुळे रोगप्रतिकारक शक्ती कमी वाढते. याने वेगवेगळ्या आजारांशी लढण्याची शक्ती वाढते. यातील अ‍ॅंटी-मायक्रोबियल आणि अ‍ॅंटी-इंफलामेंट्री गुण असतात ज्याने शरीराची रोगप्रतिकारकशक्ती वाढते.
3) पचनक्रिया चांगली राहते
मोड अलेल्या मूगामध्ये शरीरातील टॉक्सिक बाहेर काढण्यास मदत होते. याचे सेवन केल्यास शरीरातील विषारी पदार्थ-द्रव्य कमी होतात. यासोबतच पचनक्रिया नेहमी चांगली राहते. तसेच पोटासंबंधी आजारही कमी होतात.
4) त्वचेवर येतो ग्लो
मूगामध्ये सायट्रोजन असतात जे शरीरात कोलेजन आणि एलास्टिन कायम ठेवतात. याने चेहऱ्यावर वय दिसून येत नाही. चेहराही चमकदार राहतो.
5) पोटदुखीपासून आराम
मोड आलेल्या मूगात फायबरचं प्रमाण अधिक असतं. याने पोटाने विकार, पोटदुखणे या समस्या होत नाहीत. तसेच तुम्हाला होणारी बद्धकोष्ठतेची समस्याही लगेच दूर होण्यास मदत मिळते.