Coronavirus medicine : अरे व्वा! भारतीय कंपनीनं बनवलं कोरोनाचं दमदार औषध; आता उपचार आणखी सोपे होणार

Coronavirus medicine : इंटरफेरॉन अल्फा -२ बीचे औषधोपचार देण्यात आलेल्या लोकांमध्ये कोरोनाचा प्रादुर्भाव कमी झाल्याचे दिसून आले.

भारत आणि अमेरिकेसह जगभरात कोरोना संसर्गाचे प्रमाण झपाट्याने वाढत आहे. तथापि, लसीकरण मोहीमही त्या विरूद्ध सुरू आहे आणि विविध प्रकारच्या औषधे देखील शोधली जात आहेत, जी कोरोनाविरूद्ध प्रभावी ठरू शकतात. याच अनुषंगाने सुप्रसिद्ध औषध कंपनी झायडस कॅडिला यांनी कोरोना विषाणूच्या उपचारात हेपेटायटीसचे औषध वापरण्यासाठी भारतीय औषध नियंत्रक, डीसीजीआय कडून परवानगी मागितली आहे. पेगिलेटेड इंटरफेरॉन अल्फा -2 बी असे या औषधाचे नाव आहे.

झायडस कॅडिला यांनी सोमवारी जाहीर केलेल्या निवेदनात म्हटले आहे की पेगीलेटेड इंटरफेरॉन अल्फा 2 बीच्या फेज II च्या क्लिनिकल चाचणीने या औषधाने कोरोनावरील उपचारांबद्दल उत्साहवर्धक परिणाम दर्शवले आहेत.  ही कंपनी 'पेगीहेप' या ब्रँड नावाने हे औषध विकते. माध्यमांच्या वृत्तानुसार झायडस कॅडिला कंपनीतील तज्ज्ञांना सुरुवातीच्या निष्कर्षांवरून असे दिसून आले आहे की कोरोना रूग्ण सुरुवातीला या औषधाच्या वापरानं वेगाने संसर्गातून बरे होतात. यासह, यामुळे रुग्णांना कोणतीही समस्या उद्भवत नाही.

साध्या वाटणाऱ्या 'या' ७ लक्षणांमुळे तुम्हालाही होऊ शकतो हृदयाचा गंभीर आजार; वेळीच सावध व्हा

रिपोर्ट्सनुसार, कॅडिला हेल्थकेअर हेपेटायटीस बी आणि सीच्या उपचारांसाठी ब्रॅण्डअंतर्गत गेल्या कित्येक वर्षांपासून . पेगिलेटेड इंटरफेरॉन अल्फा 2 बीचे व्यावसायिकरित्या उत्पादन करीत आहे.  गेल्या वर्षी, चीन, ऑस्ट्रेलिया आणि कॅनडामधील विद्यापीठांच्या गटाने वुहानमधील कोरोना रूग्णांवर विश्लेषण केले होते ज्यामुळे इंटरफेरॉन अल्फा -२ बीचे औषधोपचार देण्यात आलेल्या लोकांमध्ये कोरोनाचा प्रादुर्भाव कमी झाल्याचे दिसून आले.

समोर आला कोरोनाचा 'भारतीय स्ट्रेन'; महाराष्ट्रासाठी ठरतोय घातक; धोक्याचा इशारा देत तज्ज्ञ म्हणाले....

एका अहवालानुसार, कॅडिला हेल्थकेअरच्या एका वरिष्ठ अधिकाऱ्यानं गेल्या वर्षी म्हटले होते की, "जगभरातील कंपन्या कोविड -१९ चा सामना करण्यासाठी सुरक्षित आणि प्रभावी उपचारांचा शोध घेत आहेत. पेगिलेटेड इंटरफेरॉनच्या वापरानं सुरूवातीच्या टप्प्यावर उपचार केल्यास चांगले परिणाम दिसून येतात.''

दरम्यान देशातील कोरोनाची स्थिती दिवसेंदिवस गंभीर होत चालली असून, कोरोना रुग्ण संख्येने पुन्हा एकदा नवीन उच्चांक गाठला आहे. गेल्या २४ तासांत देशात १ लाखांहून अधिक कोरोनाचे नवीन रुग्ण आढळून आले असून, रविवारचा उच्चांक मोडीत निघाला असल्याचे सोमवारी जाहीर झालेल्या आकडेवारीवरून स्पष्ट झाले आहे.

केंद्रीय मंत्रालयाने सोमवारी जाहीर केलेल्या आकडेवारीनुसार, संपूर्ण देशात  १ लाख ३ हजार ५५८ नवीन रुग्ण आढळून आले असून, ४७८ रुग्णांचा कोरोनामुळे मृत्यू झाला आहे. गेल्या २४ तासांत ५२ हजार ८४७ जणांनी कोरोनावर मात केली असून, आतापर्यंत १ कोटी १६ लाख ८२ हजार १३६ जण कोरोनामुक्त झाले आहेत. 

देशातील कोरोना रुग्णसंख्येमध्ये सर्वाधिक संख्या महाराष्ट्रातील आहे. राज्यात रविवारी दिवसभरात ५७ हजार नवे करोनाबाधित आढळून आले असून, २२२ रूग्णांचा मृत्यू झाला आहे. राज्याचा मृत्यू दर १.८६ टक्के असून, आतापर्यंत ५५ हजार ८७८ रूग्णांचा मृत्यू झाला आहे. राज्यात सध्या ४,३०,५०३ रुग्ण उपचार घेत आहेत.