जेव्हा गोष्ट बॉलिवूडच्या फिटनेस फ्रिक अभिनेत्रींची असते, त्यावेळी तापसी पन्नूचं नाव सर्वात अग्रेसर असतं. तापसी जेवढी मेहनत आपल्या अभिनयासाठी घेते, तेवढीच लक्ष ती आपल्या फिटनेसकडेही देत असते. कदाचित यामुळेच तिच्या चित्रपटांमध्ये ती अ‍ॅक्शन सीन्स आणि स्टंट्स अगदी सहजपणे करते. तुम्हालाही अनेकदा तापसीचे स्टंट पाहून मनात येत असेल की, नक्की हिचं फिटनेस रूटिन आहे तरी काय?
बिनधास्त तापसी आपल्या फिटनेस रूटिनबाबत फार कॉन्शिअस असते. आपल्या एक्सरसाइज रूटिनसोबतच ती आपलं डाएटही कटाक्षाने फॉलो करते.
1. साधारणतः अनेक लोक फिट राहण्यासाठी जिमचा आधार घेताना दिसतात. पण तापसी फिट बॉडीसाठी जिमव्यतिरिक्त स्क्वॉशला पसंती देते. ती दररोज अर्धा तास तरी स्क्वॉश खेळते. त्यामुळे तिला शारीरिक आणि मानसिक रित्या फिट राहण्यास मदत होते.
2. याव्यतिरिक्त ती नियमितपणे योगाही करते. तिच्या इन्स्टाग्रामवर काही फोटोज आहेत. ज्यावरून तिच्या फिटनेस रूटिनबाबत समजण्यास मदत होते.
3. तापसी दररोज सकाळी उठल्यानंतर एक लीटर गरम पाणी पिते आणि नट्स खाते. त्यानंतर ती ग्रीन टी आणि काकडी खाते किंवा सेवरीचा ज्यूस घेते.
4. तापसी कोणताही डाएट प्लॅन फॉलो करत नाही. असं असलं तरिही ती ग्लूटेन आणि लेक्टोस फ्री डाएट घेते. ती तांदूळ आणि ब्रेडचाही आहारात समावेश करते. एका इंटरव्यूमध्ये बोलताना तापसीने सांगितलं होतं की, तिला तांदूळ खायला फार आवडतात.
5. तापसी बदामाचं दूध पिणं पसंत करते. तिचं असं म्हणणं असतं की, त्यामध्ये फुल क्रिम आणि टोन्ड मिल्कऐवजी कमी कॅलरी आणि जास्त प्रोटीन, आवश्क पोषक तत्व असतात. दिवसभरात ती भरपूर पाणी पिते. त्यामुळे तिच्या शरीरासोबतच त्वचाही हायड्रेट राहण्यास मदत होते.
टिप : वरील सर्व गोष्टी आम्ही केवळ माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येकाची शारीरिक क्षमता वेगवेगळी असते. त्यामुळे कोणातीह उपाय करण्याआधी तज्ज्ञांचा सल्ला घेणं फायदेशीर ठरतं.