Gondia News | Latest Gondia News in Marathi | Gondia Local News Updates | ताज्या बातम्या गोंदिया | गोंदिया समाचार | Gondia Newspaper

नागरिक त्रस्त : जुन्या नोटा जमा करण्यासाठी बँका झाल्या हाऊसफुल्लगोंदिया : नकली नोटा आणि काळा पैश्यांवर अंकुश लावण्यासाठी ५०० व १००० रूपयांच्या नोटा रद्द केल्यानंतर सर्वाधिक त्रास सर्वसामान्य नागरिकांना सोसावा लागत आहे. मंगळवारच्या रात्रीपासून काळा पैसा असणाऱ्या धनाढ्यांची झोप उडाली असे वाटत असले तरी त्यांनी बऱ्याच प्रमाणात त्या पैशाची विल्हेवाट लावण्याचे मार्ग शोधले आहेत. परंतू मेहनतीने कमावलेला आपला पैसा वाया जाऊ नये यासाठी सर्वसामान्य नागरिकांची धडपड सुरू आहे. यासोबतच गरजवंत लोक बँकेतून पैसे काढण्यासाठी तासन तास बँकांसमोर रांगा लावून बसले आहेत.आयुष्यभर राबराब राबून म्हातारपणासाठी पैसे राखून ठेवणाऱ्या ग्रामीण महिला सरकारच्या या निर्णयाने जबरदस्त हादरल्या आहेत. प्रत्येक कामासाठी ५०० व १०० ची नोट काढत आहेत, परंतु त्या नोटा कुणीच घेत नाही. बँकेत दोन-तीन तास वाट पाहिल्यानंतर हाती केवळ दोन हजार रुपयांची नोट पडत आहे. परंतू दैनंदिन गरजा भागविण्यासाठी चिल्लर रकमेची आवश्यकता असल्याने आप्तस्वकीयांकडून चिल्लर मागण्याचा सपाटा सुरू आहे.बँकेत सकाळी सात वाजतापासूनच गर्दी जमा होते. आमगावच्या स्टेट बँकेत सकाळी ७ वाजतापासूनच मोठ्या प्रमाणात गर्दी होती.मागील दोन दिवसांपासून सुरू करण्यात आलेल्या बँक रात्री ८ वाजतापर्यंत सुरू होत्या. तरीही नोटा बदलवून घेण्यासाठी नागरिकांची धावाधाव सुरू आहे.विद्युत बिल केंद्रात कालपर्यंत सदर नोटा स्वीकारण्यात आल्या. मात्र सुट्या पैश्यांचा तुटवडा आल्याने पुर्ण नोट जमा करा असा पवित्रा घेण्यात आला.खिशात ५०० व १००० ची नोट असूनही अनेकांवर उपाशी राहण्याची वेळ आली आहे. त्यासाठी एकमेकांकडून नोेटांच्या अदलाबदली करतानाही काही लोक आढळले. (जिल्हा प्रतिनिधी)पैशामुळे पती-पत्नीत वादपती वर्षभरापासून पैसे मागत असला तरी त्याला आपल्याकडे कवडी नाही, असे सांगणाऱ्या महिलांकडे आता लाखोच्या घरात पैसे निघत असल्याने पती आपल्या पत्नीवर संतप्त होऊन काही ठिकाणी त्यांना मारहाण होण्याचाही प्रसंग ओढवला आहे. अशीच एक घटना आमगाव तालुक्याच्या कट्टीपार येथे घडली. पतीने कर्ज करून काही महिन्याअगोदर आॅटो खरेदी केला. परंतु पत्नीकडून मदत मिळाली नाही. आता नोटा बंद झाल्याने त्या आॅटो घेणाऱ्या व्यक्तीच्या पत्नीने चक्क आपल्या जवळील १ लाख ५० हजार रूपये बाहेर काढल्याने त्या पतीने पत्नीला चांगलाच चोप दिल्याची चर्चा आहे.

Gondia (Marathi News)

सोनी येथील मणीभाई ईश्वरभाई पटेल हायस्कूल व कनिष्ठ महाविद्यालय सोनी येथे स्वतंत्र भारताचे पहिले ...

पर्यटनस्थळ चोरखमारा शिव मंदिर तसेच पर्यटन स्थळ बोदलकसा रेस्ट हाऊस येथील सिमेंट क्रांक्रिट रस्त्याचे ...

महाराष्ट्र शासनाने दुष्काळी परिस्थितीवर मात करण्यासाठी तसेच शेतकऱ्यांना समृद्ध करण्याच्या ...

५०० व १००० रूपयांच्या नोटा बदलविण्यासाठी रविवारीही बँकांचे व्यवहार सुरूच होते. ...

येथील मध्यवर्ती कारागृृहातील बंदीजनांच्या परिश्रमातून सेंद्रिय शेती फुलत आहे. ...

विधी सेवा प्राधिकरण कायद्याअंतर्गत देण्यात येणाऱ्या सेवा व विधी सहाय्य यांची माहिती सर्व जनतेला व्हावी ...

स्वच्छतेबाबत जनजागृती करण्यासाठी २ आॅक्टोबरपासून राज्य भ्रमंतीवर निघालेल्या संत गाडगे महाराज ... ...

नकली नोटा आणि काळा पैश्यांवर अंकुश लावण्यासाठी ५०० व १००० रूपयांच्या नोटा रद्द केल्यानंतर... ...