पर्यटकांसाठी मुरदोलीत साकारणार ‘मेगा सर्किट’

विपुल नैसर्गिक साधनसंपत्तीने व नैसर्गिक सौंदर्याने नटलेल्या गोरेगाव तालुक्यातील मुरदोली येथील जंगलात पर्यटनाला भरपूर वाव आहे. त्यामुळेच महाराष्ट्र राज्य पर्यटन विकास महामंडळाने (एमटीडीसी)

७.३२ कोटी मंजूर : एक हेक्टर जागेवर होणार उभारणी
दिलीप चव्हाण- गोरेगाव
विपुल नैसर्गिक साधनसंपत्तीने व नैसर्गिक सौंदर्याने नटलेल्या गोरेगाव तालुक्यातील मुरदोली येथील जंगलात पर्यटनाला भरपूर वाव आहे. त्यामुळेच महाराष्ट्र राज्य पर्यटन विकास महामंडळाने (एमटीडीसी) मुरदोली येथे पर्यटकांसाठी ‘मेगा सर्किट’ उभारण्याचा निर्णय घेतला आहे. त्यासाठी तब्बल सात कोटी ३२ लाख रुपये मंजूर करण्यात आले आहेत. सदर ‘मेगा सर्किट’ एक हेक्टर जागेवर उभे होणार आहे.
एमटीडीसीचे वरिष्ठ व्यवस्थापक हनुमंत हेडे यांनी याबाबत माहिती देताना सांगितले की, महाराष्ट्र पर्यटन विकास महामंडळाने या प्रकल्पासाठी लागणार्‍या जागेसंदर्भात पाहणी केली असून तहसीलदार डी.ए.सपाटे यांनी मुरदोली येथील गट नं. १५६ ही जमीन देण्यास हिरवी झेंडी दिली आहे. महसूल विभागाच्या या एक हेक्टर जमिनीवर मुरदोली पर्यटन प्रकल्प उभा राहणार आहे.
मुरदोली येथील नागझिरा गेटसमोर तलावाच्या जवळ मेगा पर्यटन प्रकल्पाची उभारणी होणार आहे. सदर जागा गोंदिया-कोहमारा मुख्य मार्गावर असल्यामुळे हौशी निसर्गप्रेमी पर्यटक येथे येतील. त्यामुळे तालुक्यात रोजगाराच्या संधी उपलब्ध होतील. या पर्यटन प्रकल्पाच्या उभारणीसाठी केंद ्रशासन ८0 टक्के व उर्वरित २0 टक्के रक्कम राज्य शासनाकडून प्राप्त होणार आहे. सदर निधी महाराष्ट्र पर्यटन विकास महामंडळाला प्राप्त होणार आहे.