'सुनेत्रा पवारांच्या नेतृत्वाखाली गोव्यात विद्यार्थी काँग्रेसची वाटचाल'

सुनेत्रा पवार यांची नुकतीच राष्ट्रवादी काँग्रेसच्या अध्यक्षपदी निवड करण्यात आली आहे.

पणजी :राष्ट्रवादी काँग्रेस पक्षाचे अध्यक्ष अजित पवार यांच्या निधनानंतर आम्ही सगळेच पोरके झालो. आमचा राजकीय गुरूच हरपल्याने पुढील वाटचालही कुठेतरी थांबली होती. मात्र, त्यांच्या पत्नी तथा महाराष्ट्राच्या उपमुख्यमंत्री सुनेत्रापवार यांनी पक्षाच्या अध्यक्षपदाचा ताबा घेतल्याने त्यांच्या नेतृत्वाखाली राष्ट्रवादी विद्यार्थी काँग्रेसची धुरा सांभाळण्यासाठी आम्ही पुन्हा एकदा सज्ज झालो आहोत, असे प्रतिपादन राष्ट्रीय अध्यक्ष चैतन्य मानकर यांनी केले.

सुनेत्रा पवार यांची नुकतीच राष्ट्रवादी काँग्रेसच्या अध्यक्षपदी निवड करण्यात आली आहे. राष्ट्रीय कार्यकारिणीच्या बैठकीत त्यांची अध्यक्षपदी निवड झाली. राष्ट्रवादीचे काम तळागाळापर्यंत सुरूच राहणार आहे.