कोकण रेल्वे सज्ज, मुंबई-मडगाव मार्गावर ३६ उन्हाळी विशेष साप्ताहिक सेवा; पाहा, टाइमटेबल

Konkan Railway Summer Special Train Time Table: उन्हाळ्याच्या सुट्टीत गावी जाणाऱ्या प्रवाशांची वाढती गर्दी लक्षात घेऊन मध्य रेल्वेने प्रवाशांना दिलासा दिला आहे. मुंबई (सीएसएमटी आणि एलटीटी) ते मडगाव दरम्यान उन्हाळी साप्ताहिक विशेष गाड्या चालवण्याचा निर्णय रेल्वे प्रशासनाने घेतला आहे.

ट्रेन क्रमांक ०११७१ मुंबई सीएसएमटी ते मडगाव ही विशेष ट्रेन १६ एप्रिल ते ११ जून या कालावधीत दर गुरुवारी मध्यरात्री ००:२० वाजता सुटेल आणि त्याच दिवशी दुपारी १५:१५ वाजता मडगावला पोहोचेल. परतीच्या प्रवासासाठी गाडी क्रमांक ०११७२ मडगाव येथून दर गुरुवारी दुपारी १६:०० वाजता सुटेल आणि दुसऱ्या दिवशी पहाटे ०३:४५ वाजता मुंबईत पोहोचेल. २३ स्थानकांवर थांबा देण्यात आला आहे. 

गाडी क्रमांक ०१११९ लोकमान्य टिळक टर्मिनस ते मडगाव ही ट्रेन १७ एप्रिल ते १२ जून २०२६ दरम्यान दर शुक्रवारी मध्यरात्री ००:५५ वाजता सुटेल. परतीच्या प्रवासासाठी गाडी क्रमांक ०११२० मडगाव येथून दर शुक्रवारी दुपारी १६:०० वाजता सुटून दुसऱ्या दिवशी पहाटे ०३:३० वाजता मुंबईत पोहोचेल. या प्रवाशांच्या सोयीसाठी या विशेष गाड्यांचे बुकिंग १७ मार्च २०२६ पासून संकेतस्थळावर सुरू होणार आहे.