'इंडिगो'कडून सहा मार्गावरील विमानसेवेत कपात

रविवारपासून ही कपात लागू झाली आहे.

लोकमत न्यूज नेटवर्क, पणजी : देशातील प्रमुख विमान कंपनी 'इंडिगो' ने गोव्यातून सहा शहरांमधील विमानसेवेत कपात करण्याचा महत्त्वाचा निर्णय घेतला आहे. या निर्णयामुळे एकूण ३२ साप्ताहिक उड्डाणे कमी होणार आहेत. रविवारपासून ही कपात लागू झाली आहे.

मोपा विमानतळावरून सूरतला आठवड्यातून १ उड्डाण, राजकोटला आठवड्यातून ७ उड्डाणे, वडोदराला आठवड्यातून ७ उड्डाणे, चंदिगढला आठवड्यातून ७ उड्डाणे, भुवनेश्वरला आठवड्यातून ३ उड्डाणे तसेच दाबोळी विमानतळावरून भोपाळसाठीची आठवड्यातील ७ उड्डाणे बंद करण्यात आली आहेत. 

या निर्णयामुळे प्रवाशांना पर्यायी व्यवस्था शोधावी लागणार आहे. पर्यटन क्षेत्रावरही याचा काही प्रमाणात परिणाम होऊ शकतो.