काँग्रेसची विधानसभेसाठी तयारी सुरू; युरी, अमित पाटकर दिल्लीत, राहुल गांधी, खर्गे यांच्याशी बैठक

गोव्याशी संबंधित अनेक मुद्द्यांवर आणि राज्यातील राजकीय घडामोडींवर चर्चा केली.

लोकमत न्यूज नेटवर्क, पणजी : विरोधी पक्षनेते युरी आलेमाव, काँग्रेस प्रदेशाध्यक्ष अमित पाटकर आदींनी दिल्लीत पक्षाचे राष्ट्रीय अध्यक्ष मल्लिकार्जुन खर्गे, राष्ट्रीय नेते राहुल गांधी, राष्ट्रीय सरचिटणीस (संघटना) के. सी. वेणुगोपाल यांच्याशी गोव्याशी संबंधित मुद्द्यांवर आणि राज्यातील राजकीय स्थितीवर चर्चा केली. पक्षाचे गोवा प्रभारी माणिकराव ठाकरे, अ. भा. काँग्रेसचे कायम निमंत्रित गिरीश चोडणकर हे देखील बैठकीला उपस्थित होते.

विरोधी पक्षनेते युरी आलेमाव, काँग्रेस प्रदेशाध्यक्ष अमित पाटकर यांनी दिल्ली येथे पक्षाचे राष्ट्रीय अध्यक्ष मल्लिकार्जुन खर्गे, राष्ट्रीय नेते राहुल गांधी, राष्ट्रीय सरचिटणीस (संघटना) के. सी. वेणुगोपाल यांच्याशी गोव्याशी संबंधित अनेक मुद्द्यांवर आणि राज्यातील राजकीय घडामोडींवर चर्चा केली.

पक्षाचे गोवा प्रभारी माणिकराव ठाकरे, माजी प्रदेशाध्यक्ष तथा अखिल भारतीय काँग्रेसचे कायम निमंत्रित गिरीश चोडणकर हेही बैठकीला उपस्थित होते. युरी यांनी याबाबत ट्रीट करताना असे म्हटले आहे की, गोव्यातील महत्त्वाच्या समस्या आम्ही मांडल्या. गोव्यातील जनतेसाठी त्या सोडविण्याच्या आमच्या योजना श्रेष्ठींनी ऐकून घेतल्या. त्याबद्दल मी आमच्या नेत्यांचे आभार मानतो. तसेच आगामी निवडणुकांच्या संदर्भातही चर्चा करण्यात आली. गोव्याती सद्य:स्थितीचा वरिष्ठांनी आढावा घेतल्याचे युरी यांनी सांगितले.

विधानसभा निवडणुकीला जेमतेम वर्षभर राहिले असून राष्ट्रीय नेत्यांनी गोव्यातील राजकीय स्थितीविषयी जाणून घेतले. पुढील काळात अधिकाधिक लोकांपर्यंत पोहचण्यासाठी स्थानिक - पातळीवर कार्यक्रम राबवा, भ्रष्टाचारविरोधात तसेच लोकांचे विषय घेऊन रस्त्यावर या, असे - श्रेष्ठींनी स्थानिक नेत्यांना बजावले आहे.