लोकमत न्यूज नेटवर्क, पणजी : जिल्हाधिकाऱ्यांनी कॅन व बाटलीतून पेट्रोल आणि डिझेलच्या विक्री व वापरावर काही निर्बंध लागू केले होते. पेट्रोल पंपवाल्यांनी ग्राहकांना किरकोळ स्वरूपात विक्री करू नये, असे आदेश दिले होते. पण, आता या निर्बंधांबाबत महत्त्वाचे स्पष्टीकरण दिले असून, काही महत्त्वाच्या क्षेत्रांना या निर्बंधातून पूर्णतः सूट देण्यात आल्याचे स्पष्ट केले आहे.
जिल्हाधिकाऱ्यांच्या माहितीनुसार, मच्छीमार आणि मत्स्य व्यवसायाशी संबंधित सर्व उपक्रमांवर कोणतेही निर्बंध लागू होणार नाहीत. यामध्ये मासेमारी करणाऱ्या बोटी, ट्रॉलर्स तसेच इतर जलवाहतूक साधनांचा समावेश आहे. त्यामुळे मत्स्य व्यवसाय सुरळीतपणे सुरू राहणार असून मच्छीमारांना कोणतीही अडचण येणार नाही.
तसेच, शैक्षणिक संस्थांनाही या निर्बंधातून सूट देण्यात आली आहे. शाळा, महाविद्यालये आणि इतर शैक्षणिक आस्थापनांमध्ये आवश्यक सेवा आणि वाहतूक व्यवस्थेसाठी पेट्रोल-डिझेलचा वापर पूर्ववत सुरू राहणार. डिझेल जनरेटर वापरणाऱ्या संस्थांना आणि उद्योगांना देखील निर्बंध लागू होणार नाहीत.
शेतकऱ्यांना दिलासा
कृषी क्षेत्रालाही मोठा दिलासा देत, शेतीसाठी वापरल्या जाणाऱ्या यंत्रसामग्री आणि उपकरणांसाठी पेट्रोल-डिझेलच्या वापरावर कोणतेही निर्बंध नसतील, असे स्पष्ट करण्यात आले आहे. त्यामुळे शेतकऱ्यांचे कामकाज कोणत्याही अडथळ्याशिवाय सुरू राहणार आहे. दरम्यान, प्रशासनाने नागरिकांना आवाहन केले की, आवश्यक सेवांसाठी सूट असली तरी इंधनाचा वापर जबाबदारीने करावा आणि सरकारच्या मार्गदर्शक तत्त्वांचे पालन करावे.
Web Summary : District authorities eased petrol-diesel restrictions, exempting fishermen, educational institutions, and the agricultural sector. Fishing boats, schools, colleges, and farming equipment can operate without restrictions. Citizens are urged to use fuel responsibly and follow guidelines.
Web Summary : जिला अधिकारियों ने मछुआरों, शैक्षणिक संस्थानों और कृषि क्षेत्र को छूट देते हुए पेट्रोल-डीजल प्रतिबंधों में ढील दी। मछली पकड़ने वाली नावें, स्कूल, कॉलेज और कृषि उपकरण बिना किसी प्रतिबंध के काम कर सकते हैं। नागरिकों से ईंधन का जिम्मेदारी से उपयोग करने और दिशानिर्देशों का पालन करने का आग्रह किया गया है।